[m6r1282]

المشاركة الأصلية كتبت بواسطة Me_medoo لا حول ولا قوة الا بالله سيدي الفاضل وعزيزي اولاً تحيه طيبه لك هو المشكلة ان لا اليارس هتلاقيه بالستين الف ولا النيو اكسينت بالستين الف هما بيلعبوا في حدود ٧٥٠٠٠ جنيه حالياً ودي نقطه النقطة التانيه بالنسبة للمقارنة العملية اليارس تيكسب عن تجربة اولاً في اعادة سعر البيع ثانياً في الاعتماديه ثالثاً في الوسع رابعاً في الماتريل الداخلي اليارس تيكسب عن جدارة مكونات الهونداي بلاستيك بخلاف اليارس تماماً العبشة التويوتا تيكسب في التسارع وتوفير البانزين التويوتا في توفر قطع الغيار التويوتا تيكسب حتى قزاز العربية التويوتا بيحمي من اشعت الشمس بخلاف الهونداي مفهاش عازل للحارارة. ولا حتى العربية فيها عازل للصوت زي اليارس اليارس اعلى على الطريق من النيو اكسينت واثبت بس ياسيدي عاوزني اقولك ايه كمان دي يباني ١٠٠٪. والتاني كوري ١٠٠٪ والكوريين ولاد عم اليابانيين وجيران وحبايب بس اليابانيين بياكلوا سمك على الصبح والفسفور منور كده ومشعشع في عقولهم. بخلاف الكوريين الي بياكلو حتت جبنة وكام زتونه على الصبح هههههههههههههه وبالتوفيق انشاء الله في اختيارك

أنا بشكرك على الرد وعلى المعلومات القيمة دي

بس بالنسبة للسعر أنا لي زميل شاري ياريس 2007 فابريكة وعدادها في التسعينات وزي الفل وبـ 63000

أما باقي الذي ذكرته فكله طيب وأنا معاك فيه، ماعدا حكاية قطع الغيار ...

يعني أنا في المنوفية مثلا هلاقي قطع غيار الياريس متوفرة وهل هي غالية أوي عن قطع غيار النيو أكسنت

بالنسبة للستينات أنا أقصد مثلا ياريس 2007 أو أكسينت 2009 يعني مش جديد ومش أوتوماتيك

ولو عندك تعقيب .. يكون أفادك الله ...