أنا الحكاية دى برضو شغلتنى لفترة فى أول سواقتى وكنت عايز اعرف المسكة المثلى بعيدا عن المنظرة أو الاحراج يعنى فيه ناس فعلا تلاقيه مرجع الكرسى لورة أوى وماسك الدركسيون بايد وحدة مشدودة على الاخر وفيه ناس تلاقيها حاضنة الدركسيون أو راكبة فوقيه وغالبا الستات هما اللى بيعملوا الحركة دى وفضلت اتفرج على كل واحد بيسوق بيسوق ازاى وكل واحد ليه طريقته المختلفة عن التانى فقلت مابدهاش نشوف الناس المحترفة بتسوق ازاى فبقيت باركز على سواقة جيرمى والناس بتاعة توب جير واشوف فيديوهات الدرافتات لقيت ان الكل بيسوق بطريقة واحدة اللى هيا دى
فمن ساعتها ابتديت اعود نفسى على المسكة دى على السرعات اللى فوق ال 90 اقل من كده ممكن امسك بأيد واحد .
ونفعتنى بصراحة لما جربتها فى نفق الازهر أو فى اى ملفات على سرعات ، فى الأول ماكنتش باعرف اتحكم فى العربية كويس من بعد الطريقة دى بقيت مالكها كويس .