رد: لادا بريورا (Lada Priora)
اولا الف شكر ليك يا استاذ بدر لانك اهتميت بالعربية دى بالذات انا شوفت العربية دى علي النت من سنة بالظبط واتضح انها موجودة في روسيا وسوريا فقط واسعارها لو حسبناها بالمصري هتساوي من 70 ل 80 الف يبقي العربية دى كويسة هتجمع ليك بين عفشة الادا الحديد وامكانيات العربيات الحديثة من باور وتكيف وايرباج وبعدين ان اديها منافسة مع الفيرنا وكلمت توكيل الأمل في القاهرة والأسكندرية وتوكيل حمدى لادا من شهر كدا عشان اسأل عليها لاقيتهم مايعرفوش عنها لى حاجة نهائي وهما اخر حاجة نزلوها 2110 وما نزلتش من 2007
انا كان عندى لادا 2105 موديل 1995 وبصراحة كانت حلوة وندمان انى بعتها بجد ونفسي العربية دى تنزل وسمعت ان ممكن التوكيل ينزلها لي بس هياخد حوالى الفين او تلاتة زيادة له بس المشكلة هتكون في قطع الغيار بتاعتها
فياريت لو انت مهتم بالموضوع تفكر معاى ازاى تنزل مصري وانا متأكد انها لو نزلت هتشعلل السوق
|