المشاركة الأصلية كتبت بواسطة Sameh Ragih
ما احنا قولنا كدة و إخواتنا ملاك اللوجان المحترمين هبوا فينا و قالولنا دي عربية ناجحة و حرام عليكوا ماتسوؤش سمعة العربية في السوق.. يا جماعة خلينا نتكلم بالعقل و المنطق و الحقائق هانوصل للرأي السليم.. دي عربية صناعة روماني و تجميع مغربي و كانت نازلة بـ 57 ألف و لما نجحت التجار غلوها كعادة أي سلعة بتنجح.. فهل معنى إنها غليت بالشكل الجنوني ده إنها عربية حلوة؟! هل لأنها عربية عالية عن الأرض زي ما jojojojojo بتقول تبقى عربية حلوة؟! بصراحة ثقافتنا اللي في النازل هي اللي بتخلي التجار الجشعين يتحكموا فينا.. ما هو لما تبقى الهيونداي هي العربية اللي ماشية في السوق على كل عيوبها (على فكرة أنا راكب هيونداي) و العربيات الفرنساوي اللي مليانة تكنولوجيا ووسائل أمان و رفاهية تبقى عربيات جربانة و ووحشة يبقى فعلاً ثقافتنا السوقية محتاجة إعادة تأهيل  |
فعلا السيارات الــ هيونداى عيوبها كتير جدا بجميع فئتها
و الصينى كله مليان عيوب و الناس بردوا بتشتريه
يعنى مثلا الأفيوا مرغوبه مع انها مليانه عيوب و عربيه خفيفه و ضعيفه جدا و 8 صباب أيضا رغم كده سعرها عالى و غرها كتييير
و عموما لا توجد سياره لا تخلوا من العيوب