رد: ممكن اعرف ازاى ارخص العربيه وبكام
المشاركة الأصلية كتبت بواسطة هشام عبد العزيز2012
- السلام عليكم اخوانى الكرام
- انا دلوقتى معايا عربيه لادا اليكو موديل 92 1600 سى سى
- وكنت نقلت ملكيتها من المنوفيه للمحلة ودفعت الضريبه وجبت شهادة البيانات موجهه لمرور المحلة بعد ما استلمو منى الرخصه والنمر وشهادة المخالفات
- وادولى شهادة بيانات اطلع بيها على المرور المحلة ارخص بيها
- كنت عايز اعرف ايه هى الاجراءات اللى انا همر بيها
- وكنت عايز اعرف تكلفة الترخيص لمدة سنة كام
- وايه هى المصاريف اللى هيطلبوها هناك
- وايه اللى هيطلبوة فى الفخص عشان اظبطه قبل مااروح
- وايه اللى يحصل لو لاقى رقم المتور بعد ما فحص غير رقم الماتور اللى فى شهادة البيانات المتقدمة
- ياريت رد على الاستفسارات دى واكون شاكر جدا
|
أولاً ألف مبروك وربنا يباركلك فيها
بالنسبة للمراحل اللى هتمر بيها:
1- لازم يكون معاك شهادة براء الذمة (المخالفات)
2- بتروح الصبح بدرى تفحص على طول من غير ماتخش على الشباك (طبعاً الفحص بيتطلب ان العربية تبقى مفهاش اى خبطات او سمكرة من غير دهان وتطمن على الانوار والمساحات والعادم)
3- بعد الفحص بتاخد كل اوراقك وتخش على الشباك جوا المرور والموظف بيخليك تدفع الضريبة (حوالى 206 جنيه) وتأمين اللوحات الجديدة (تقريباً 115 جنيه) وطوابع بقى ورسوم تانية مش فاكر اسمها ولا مبلغها بس عموماً تكلفة ترخيص سنة واحدة هتكلفك حوالى (500 جنيه شاملة المبالغ اللى ذكرتها)
وان شاء الله تخلص بسرعه وتستلم النمر الجديدة والرخصة بأسمك
باقى الإستفسارات بصراحة ماعنديش خلفية عنها اووووووى
--
__________________
للمرء فى ماله شريكان: الوارث و الحوادث
|