[AbOnOrA]

مقارنة جميلة وان كانت صادمة فى الاول ان تبقى فيه مقارنة بين عربيتين بينهم الفرق فى السعر الكبير ده لكن فيه حاجة مشتركة بينهم فعلاً ان الاتنين كروس اوفر مش SUV والكروس اوفر كتصنيف اقرب لسيارة المدينة التى تصلح لمغامرات بسيطة على الطرق الغير ممهدة لكن هى اساساً سيارة مدينة من حيث قوة الموتور واستهلاك الوقود ونظم التعليق وكل شىء

اما التريوس فالكلام يطول عنها لكن هى باختصار تمثل الفكر اليابانى فى السيارة الكروس اوفر واقرب ما تقارن به السوزوكى فيتارا
فكلاهما يعتمدان على بودى خفيف ومحرك صغير ونظام تعليق غير معقد وارتفاع عن الارض مناسب لا اكثر ولا اقل وهذه الخليط يناسب ايضاً شرائح كثيرة لكن لا يناسب الكل بالطبع

شكراً يا حازم باشا على المقارنة والطروحات المتميزة وشكراً لكل ما اثرى الموضوع بمشاركاتة وردودة



والتصنيف ده مهم عند شريحة مش قليلة من المستهلكين واصبح مهم عند الصانعين ايضاً وانا كنت اتكلمت على الكيا سورينتو الجديدة وليه ان تسويقهم بداء يطلق عليها كروس اوفر كبيرة بدلاً من SUV متوسطة

كيا سورينتو 2010 - كروس اوفر بجدارة

وبالتالى فلا يصح اطلاقاً مقارنة التريوس او التيجو او الفيتارا بالشيروكى او تقييمها كا سيارة SUV اصلاً

اما عن السيارة نفسها (التيجو) فهى بالسعر ده والتصنيف ده (كروس اوفر) بتناسب شرائح كبيرة فى مصر بتحب الستايل ده ومحتاجة عربية عالية بسعل اقتصادى جداً وانا متخيل ان التوكيل لو فاقلها وعمل نص المجهود اللى عمله فى تسويق الاسبيرانزا ال A5 العربية ديه هنتشر جامد جداً مش بس على حساب عربيات كروس اوفر اخرى بل على حساب ال MPV كمان زى الماتريكس