أولا : احب شكر جميع الأعضاء الكرام بالمنتدى وانا لاأعرف اذ تم نشر هذا الموضوع من قبل ام لا ندخل بقى على المفيد.
بسم الله الرحمن الرحيم
أول حاجة يشترط توافر مصدر للمياة وقبل ده طبعا تكون أشتريت علبيتن بوليش واحده اسمها دكتور بدوى كمبوند وديه علبه بيضاء اللون وهى لتنظيف الصاج والثانية علبة لونها اصفر اعتقد سعر الأثنين ميزدش عن 20 جنية ولو عندك فنلة جيل قديمة او قطعة قماش ناعمة ولو مفيش يمكن شراء كيس قطن طبى من أى صيادلية ليتم استخدامه بدل القماش ويتم غسل السيارة جيد بالماء والصابون مضافا اليهم جاز وتغسل السيارة جيدا ويتم تنشيفها جيدا ثم وضع بولش التنظيف ويتم دعكها بقطعة القماش الناعمة ويفضل باليد لا بصاروخ البولش بعد ان تم الأنتهاء من التنظيف بالبولش التنظيف تغسل السيارة مرة أخرى وتنشف جيدا ويتم وضع البولش ذو العلبة الصفراء ودعك السيارة بها افضل شئ للتلميع هو باليد لا بالصاروخ.
ملحوظة :
تتم عملية التلميع فى مكان به ظل لاتحت اشعة الشمس المباشرة وميكونش الجو فيه تراب وعلى فكرة هو الموضوع متعب شويتين بس النتائج مرضية جدا وتفرح بمنظر السيارة انا اكتر حاجة بتخلينى سعيد هو وانا بلمع العربية او بغسلها أو بنظف الموتور مع العلم انى لا أمتلك سيارة بس عربية واحد صاحبى وانا هو أكثر من أخوات وأى حاجة فى العربية نعملها سوا.
لتجعل منظر السيارة أجمل يمكنك شراء قلم دوكو أبيض اللون وبعد غسيل الكاوتش جيدا يتم بالسفنجة استخدام الصابون الخام بدون اى إضاف للماء سوى بضع قطرات لا أكثر ويتم دعك الكوتش جيد ثم يترك ليجف وبعد التأكد من أن الكوتش جاف يتم أحضار قلم الدوكو الأبيض وهتلاقى فى الكوتش كتبابات برازة او محددة او غائرة تكتب داخلها أو يتم وضع القلم فيها وكانك بترسم وده هيدى منظر للسيارة هو مع كتر الغسيل بيتمسح بس القلم يكفى اكتر من مرة سعر القلم حوالى 5 جنية ويسالم بقى لو عندك طاست اللى هيه بتلمع كانها نيكل هتدى منظر جميل جدا مع الكوتش اللى بكتابه بيضاء ولو عندك نفس نوع الطاسات اللى اتكلمت عليه ومنظرهم وحش وكانهم مصديين أو مجنزرين يمكن عملهم بكذا طريقة ليرجعوا كانهم جداد افضل طريقة هى تلميعهم بنفس البولش الخاص بالتنظيف وحاول لما تغسل العربية تبقى تنشفهم كويس علشان المياة لما تقعد عليهم وكمان الطل أو الندى بيعملو كده ومنظرهم يبقى بياخ.
وأرجو انى اكون قد افدت احد بهذا الموضوع ولو فى اى حد عنده فكرة تانية ياريت ميبخلش بيه على المنتدى الأكثر من رائع لكى تعم الفائدة على الجميع وشكرا.
أخوكم محمد