المشاركة الأصلية كتبت بواسطة ايمن عبدالحميد
الحقيقة مش عارف لية كتير من الأعضاء بيحتقروا العربية الادا ، انا استعملت منها لحد دلوقتى 6 سيارات ابتداءا من 1984حتى 2007، والحمد للة هناك امكانية لشراء انواع اخرى اعلى من الادا ولكنى لا ارى فيهم مميزات اكتر من حلاوة الشكل والنعومة لكن لا قوة تحمل ولا قطع غيار معقولة ولا تقدر تركب فيها اسرة من 5 افراد مثلا وتعدى بيهم مطب ، ومشكلة الخشونة دى بتبقى تقصير من صاحبها مبيغيرش زيت فى ميعادة او البللى خشن مستخسر يغيرة او بيستعمل كاوتش رخيص 0000الخ ادعوكم لإحترام وحب السيارة لادا
|
السلام عليكم
عارف يا استاذ ايمن انا شوفت موضوع امبارح وكان بعنوان خشونة فى
محبوبتى اللادا وكنت عاوز ارد على حضرتك مش على السؤال لان المهندس سمير رد علية باستفاضة واعتقد اعضاء تانى بس كنت عاوز ارد عليك واحييك لحبك لعربيتك لكن والله معرفش انشغلت فى اية هنا فى المنتدى ...جميل اوى ان الواحد يحب عربيتة بحس ان كل اما تحب عربيتك العربية هى كمان تحبك وشهر بعد شهر بتحس ان بقى فى عشرة بينك وبين العربية وتحس كمان انها بقت تسمع كلامك وعلى اد ما انت محافظ عليها على اد ما هى تحافظ عليك بلاقى فعلا هجوم شرس على العربية دى بدون مبرر لكن محدش من اللى ركبها زم فيها كلها اراء من ناس ما امتلكتش العربية ال لادا ويمكن بيبنو كلامهم على الشكل فقط واقسملك بالله ان الشكل الصندوقى او المكعب دة بالنسبة لى ميزة بحبة اوى انا من عشاق الاشكال المنتظمة بتريح عينى ودى بتبقى طبيعة فى الانسان ودة طبعا بخلاف مميزات العربية المشكلة اننا سبنا الجوهر وبصينا للمظهر زى بالظبط الموبايلات سبنا الهدق الاساسي منة اللى هو استقبال والاتصال وجرينا ورة الكاميرا كام بكسل وفيها اوبشنز اد اية وانا كنت واحد من الناس دى وجبت تليفونات كتير جدا واحدث انواع واستقر بية فى النهاية ان ابنى الكبير اخد موبايلى وادانى بتاعة سامسونج وبعدين بنتى اخدتة منى وادتنى نوكيا دمعة وفى الاخر خاااالص ابنى الطفل الى 4 سنين كنت جايبلة نوكيل 1100 يلعب بية والله ادهونى واخد الدمعة وفى بداية الامر طبعا مامتهم اخدت الموبايل بتاعى وادتنى موبايلها ههههههه..... حتى فى العربيات امتلكت موديلات حديثة وعربيات كتير بس فى النهاية اية الهدف من العربية انا خلاص بطلت اخرج اتفسح واتمشى بقى استخدامى للعربية انى اخرج انا واولادى ونرجع بحس انى وانا راكب ال لادا واولادى معايا انى فى امان شوية من كتر الواحد ما شاف بلاوى على الطريق وبشوف بعينى العربيات الحديثة اللى بيحصلها من اقل حدثة وبقارنها مثلا بحدثة على طريق السويس عربية شرطة لادا كانت مقلوبة وقفت وسالت اية اللى حصل بحكم انها كانت تحدت الطريق الدائرى وفى ناس ينفع تقف وتسال قالو العربية اتقلبت خمس مرات سالت حد حصلة حاجة قالو لا العسكرى نزل واقف على رجلة ببص على القوايم والسقف لقتهم سلام العربية اة اتعوجت بس من الحدثة استنتجت ان ما حدش اتعور ...الصبح كنت بشوف اختبارت لادا فى التصادم لقتها كلها ناجحة
اعتقد بعد كدة يبقى انا اخترت صح ولو حد علق وقال ما اركب دبابة احسن ولا جرار زراعى ولا كلام من اللى بنسمعة اقولة انا والله ما بشتكيش ولا من تقل الدركسيون ولا من الهدة ولا رحت جيم العب مجانس ولا ترابيس
اول امبارح كنت عامل موضوع كويس اوى عن السيارة ال لادا فى منتدى تانى هاحاول اعمل منة كوبى هنا بامر الله