موضوع رائع بيفكرنا دايما بتفكيرك و ووجهه نظرك يا ابو نورا شكرا ليك
الفرنساوي فعلا مالوش تمن في مصر و في دول الخليج كمان و لا اعتقد ان كل الناس دي مش بتفهم!!!!
1- اننا شعب نصنف من الشعوب التى تتبع قاعدة القطيع (حسب بعض الابحاث ) يعنى لان الكوري هو الموجود بكثر فخليك ماشى فنفس الاتجاه اللي الناس ماشية فيه -زى الموبايل النوكيا -
|
استاذ ايمن منصور كلامك دا بيشبه المصريين علي انهم مواشي !!!
بس لو حضرتك جيت تفكر حتلاقي المصريين بيجيبوا الحاجه اللي بتريحهم و توفر ليهم
الكورولا معشوقه الجماهير في مصر و اللي ليها اسم زي الدهب لما نزلت في 93 الكل اشتراها لكن لما نزلت العيون في 98 محدش حبها لانها وحشه و لما نزلت في 2008 و ظهرت مشكله الفتيس برضه مافيش حد اشتراها
لو كانوا المصريين عاملين زي القطيع بناء علي كلام حضرتك كان زمان كلهم اشتروا العربيه نظرا للاسم.
لكن المستهلك المصري الي حد ما واعي و عارف هو بيحط فلوسه فين لان شراء عربيه مش حاجه بتحصل كل يوم او كل سنه او كل 5 سنين حتي .بل هيا سلعه معمره بالنسبه للمصريين.
زي الموبايل النوكيا تقدر تقولي ليه الناس كلها بتستعمله او بتفضله؟
لان السوفت وير بتاعه سهل في التعامل و جهاز معمر .ودا ان دل علي شئ بيدل علي ذكاء الشركه المصنعه للمنتج
|
2-لما بينزل موديل جديد في الكوري بكون اغلي بشكل مبالغ فيه وده بيحفظ قيمة الموديل القديم بشكل كبير
|
مافيش موديل كوري جديد بيبقي اغلي بشكل مبالغ فيه او حاجه عن الموديل القديم الزياده كلها بتبقي في حدود 5000 الاف جنيه في تمن السياره اللي بيبقي في حدود 100 الف يعني 5% من تمن العربيه مش اكتر
و برضه اي شركه فرنساوي لما بتنزل موديل جديد بترفع سعره عن الموديل القديم بمراحل (يا تري ال 206 كانت بكام زيرو و لما ال 207 نزلت نزلت بكام؟؟؟!!!)
|
3-في الكوري بينزل بديل للموديل اقل منه في حاجات كتير واغلي في السعر -الفيرنا بديل الاكسنت وينتظر السوق يستوعب ده - وبعدين ينزل تعديل الموديل -النيو اكسنت - بسعر اعلي بكتير فيكون منطقى انك تدفع الفرق لانك بتقيس على اللي موجود في السوق بالفعل
|
لو حضرتك بصيت لاي فئه حتلاقي الاسعار بتزيد بمرور الايام و مثال بسيط
العربيتين اللي كانوا ثابتين نفسهم في السوق من السبعينات و اوائل التمانينات كانت البيجو 504 و الفيات 132 ال 2000 و الاتنيبن كانوا بحدود ال 10 الاف جنيه
و في اواسط التسعينات بقي البديل البيجو ال 405 و الاوبل فيكترا و كانوا بحدود ال 100 الف جنيه
عربيتين و برضه من نفس الفئه بتاع ال 504 و ال 132 لكن التمن زاد عشره اضعاف
تعالي بص انهارده للعربيتين اللي الكل بيتمناهم هما الجيتا و الاوكتافيا و دول في حدود ال 200 الف
يعني زياده الضعف في عشر سنوات برضه !!!!
اللي اقصده ان اي عربيه جديده تمنها بيزيد عن الموديل السلف لها
و لو بصيت للفرق بين الفيرنا و النيو اكسنت حتلاقي الفرق بينهم مش كبير لو استوردت السارتين من الخارج او جمعت السياراتين في مصر..
|
4-في وقت من الاوقات كان الكوري ارخص بكتير وده الشيئ اللى سبب انتشارة لكن حاليا بعد ما جربوا اللعبة دي اكتر من مرة اصبح السعر متقارب واعتقد بعد فترة هيفقد الكوري الميزة دي لانه مش هيقدر يكرر اللعبة نفسة تاني وممكن يسيب الساحة للصيني
|
معاك في النقطه دي الي حد ما
لكن لو بصيت ان الاكسيل علي سبيل المثال كانت بتباع كامله في اواسط التسعينات بدايه ظهور الكوري في مصر بمبلغ 52 الف جنيه(فاكر الرقم دا كويس) يبقي مكنتش رخيصه اطلاقا
خصوصا ان قيمه الجنيه سنه 95 كانت اعلي بكتير من قيمه الجنيه انهارده