دوجان ستاندر للتعديل
السلام عليكم و رحمه الله و بركاته ..
رجاله الدوجان و الشاهين تحيه طيبه و بعد ..
بجد انا مستمتع فعلا بالمواضيع و الردود اللي ف القسم هنا و اتعلمت شويه حاجات من حضراتكم بس كنت حابب اعرف ردود لكام سؤال كده دا بعد اذنكم طبعا :
-الدوجان النضيفه موديل تسعينات (ستوك) تستاهل كام دلوقتي بغض النظر عن الاسعار اللي بتطلبها اصحابها ف المواقع بمبدا " القرد ف عين امه غزال "
-احب افهم انواع المواتير 1600 اللي نزلتلها عشان انا قريت ان احسنهم المكنه السودا و بيحذرو من مكنه التوفاس عشان قطع غيار نادره و بالتالي غاليه و موتور OHV بتاع ال 131 اللي كان بينزل فيها ف البدايه كان كام حصان و الفرق بين الكامه العلويه و السفليه " انا معرفش الفروقات بس حابب افهم اللي بيتكتب "
-هل كان بيركب علي الدوجان مواتير التيمبرا SOHC ولا دا كان ابتداءا من الشاهين وهل كانت كربراتير ولا انجيكشن و هل ينفع اسقطلعا موتور 131 ال 1600 TC وايه اللي هيتغير عشان الموتور الجديد يتسقط و يبقي تمام
-مدي قابليه التعديل علي العربيه من ناحيه الاداء او بمعني اخر رفع كفاءه الموتور بتركيب تيربو او سوبرتشارجر و الشغل السبورت دا و رفع كفاءه الفرامل لانه ضعيف عليها كده اصلا و مدي توافر شغل الليدات و الرينجات و الفوانيس المعدله
يارب ماكونش تقيل عليكم ف اول مشاركه ليا ف القسم هنا و يارب الاقي الافاده في ردود حضراتكم و ملاقيش عدد المشاهدات بس هو اللي بيزيد عشان انتو فعلا من انشط الاقسام اللي دخلتها من خلا متابعتي للموقع .. و شكرا
|