[Vanditta]

عدنا .....

دلوقتى اتفقنا ان فى غازات بتتسرب من خلال الشنابر الى اسفل فى حجرة المحرك crankcase والغازات دى اما بتتجمع فى غرفة المحرك بتكون ضغط ممكن يتسبب فى حدوث oil leak من خلال الجوانات والاويلسيلات

وعشان كدة عملوا نظام تهوية للغازات دى بس واجهتهم مشكلة ان الغازات دى اما بتطلع فى الهواء الطلق بتضر البيئة
فكان الحل هو ال pcv system

ماهو ال pcv system او positive crankcase ventilation ؟!

فكرتة ببساطة انة بدل ما الغازات اللى بتنتج عن تهوية او تنفيس الضغط داخل غرفة المحرك crankcase ما تطلع للهواء وتضر البيئة
بترجع تانى للموتور من خلال المانفولد وبتندمج مع خليط الهواء والبنزين وبتدخل تانى للموتور عشان يحرقها وتخرج فى صورة عادم طبيعى
طب ازاى الكلام دة بيحصل

دة رسم بيانى لل pcv system

لو ركزنا مع الاسهم السودا اللى هى بتعبر عن ال blow-by او الغازات الزيادة هنلاقى مسارها بيبدء من ال crankcase او غرفة المحرك مرورا ب valve cover او غطا التاكيهات مرورا بخرطوم الفايظ اللى متوصل بفلتر الهواء وال pcv valve (ودة لسة هانقول وظيفتة اية)
ويرجع تانى لل intake mainfold اللى بدورة بيدخل الغازات دى للموتور من تانى وهكذا (طبعا كل دة بيتم عن طريق الفاكيوم بتاع المانفولد

يعنى بشكل مبسط المانفولد متوصل بخرطوم متوصل بغطاالتاكيهات وال pcv valve تمام كدة
الفاكيوم بتاع المانفولد بيشفط ال blow-by الغازات الزيادة دى جوة المانفولد ويدخلة تانى للموتور وهكذا
طبعا تصاميم ال pcv system بتختلف من موتور للتانى
يعنى انا عندى مثلا ال pcv valve راكب دايركت فى البلوك ومتوصل بخرطوم ب 3 فتحات واحدة فية والتانية فى عمة الهواء والتالتة فى غطا التاكيهات على شكل T


نييجى بقى لل pcv valve مش ال pcv system ركز معايا
وظيفتة اية ؟!!

اتفقنا ان المانفولد بيشفط الغازات الزيادة ويدخلها تانى للموتور عن طريق الفاكيوم
طيب تمام
طيب دلوقتى الغازات اللى بيشفطها المانفولد دى مش ممكن تأثر على نسبة خليط البنزين والهواء اللى داخلين للموتور وبالتالى الخليط يبقى مش مظبوط
الاجابة اة
وهنا بقى ييجى دور ال pcv valve


ال pcv valve لية وظيفتين
1-انة بيعمل كونترول لنسبة الغازات اللى طالعة من ال crankcase لل mainflod مانافولد عشان مايحصلش خلل فى نسبة خليط الهواء والبنزين اللى جوة المانفولد
2- لو حصل backfire من المانفولد (يعنى بدل ماهو بيشفط الغازات دى يرجعها تانى ) ال pcv vavle بيقفل عشان الغازات دى ماترجعش تانى لل crankcase عشان الغازات دى لو رجعت تانى هيزيد الضغط جوة ال crankcase ويبقى ساعتها السيستم كلة مالوش لازمة


فوائد نظام ال pcv system

1- قللنا نسبة الغازات الضارة وحافظنا على البيئة
2- تحسين معدل استهلاك الوقود بسبب عملية ال recycling اللى بيعملها ال pcv للغازات دى انها بتدخل تانى للمحرك وبالتالى البنزين اللى ماتحرقش اول مرة بياخد فرصة تانية يتحرق
3- حلينا مشكلة الضغط داخل غرفة المحرك crankcase

4- بيحل مشكلة الرطوبة اللى بتحصل داخل غرفة المحرك
يعنى اية ؟؟!!!

الموتور اما يبقى بارد بيبقى فية رطوبة والرطوبة دى اول ما الموتور يوصل لدرجة حرارتة الطبيعية بتتحول ل بخار مية جوة كارتيرة الزيت او حجرة المحرك
لو بخار المياة دة مالقاش مكان يطلع منة هايختلط بالزيت وهايعمل ظاهرة اسمها sludge oil حاجة كدة زى اما نقول الزيت بقى مطحن

هنا بقى ال pcv system بيحل المشكلة دى انة بيصرف اول بأول اى غازات او ابخرة داخل غرفة المحرك


بس كدة تحياتى للجميع