المشاركة الأصلية كتبت بواسطة Payoo
كلام جميل جدا وشرح ممتاز
لكن السيارة على أرض الواقع أدائها لا يرقى لما هو مكتوب عنها
من ناحية التجهيزات والـOption لا جدال على انها تتفوق عن أي سيارة أخرى في فئتها ومن الممكن أيضا أن تنافس فئة أعلى أيضا
أما من ناحية الاداء والصيانة وأقصى سرعة و معدل اسهلاك الوقود وقطع الغيار الغالية جدا واعطال الكومبيوتر والأداء الرياضي الضعيف و .... و...... إلى أخره ..... فأقول لك عن تجربة أنها لا ترقى إلى هذا المستوى المزعوم أبدا
وأستطيع أن أقول ان السيارة الرينو ميجان 2 (بما اني أملكها) لا تعطي مالكها سوى الشكل المبهر والأوبشن العالي ولكن الأداء والأعتماديه لا ترقى لهذا المستوى الشكلي أبدا
عن تجربة وأحاديث مع كل من أجده في قاعة الأنتظار في توكيل مدينة العبور الذي أتعامل معه ومركز خدمة الميكانيكيون العرب
|
عفواً
بايو.....أختلف معاك تمام الأختلاف....
أنا معايا العربية من الزيرو و عامل بيها 82 ألف كم الى الأن و لم يحدث معى أعطال مفاجئة للكمبيوتر.......وكل اللى غيرته فى العربية كنت كتبته هنا فى موضوع أخر ( كويل فى الضمان + بطارية فى الضمان + بطارية بعد الضمان + طنابير أمامية)
وطبعاً معروف لمالكى الميجان أن الكويل اللى كان بينزل فى 2005 كان ساعات بيبوظ وتم حل المشكلة دى فى 2006 وكذلك البطارية
أما بالنسبة للأداء....عربية 1600 سى سى ومش يابانى يبقى متتوقعش منها كتير ومع ذلك العربية بعد التانى كويسة وخصوصاً لو ماشى على الستيبترونيك
وليا جارى معاه واحده جايبها قبلى و عامل بيها أكتر منى بحوالى 8 ألاف كم ومشتكاش غير من حاجة واحده بس مش فاكرها و الكلام ده قريب كمان.
هو حضرتك معاك العربية من الزيرو ؟
وكمان كنت قريت لحضرتك مشاركة بتقول فيها أن عند تغيير البطارية فى بعض الحاجات بتتوقف عن العمل....الزجاج والكاسيت......دول طبيعين يا باشا....كان معايا أوبل فيكترا فيها نفس القصة
الكاسيت لازم تدخل الكود بتاعه والزجاج لازم تنزله لأخره و أنت دايس على الزرار ز وتطلعه لأخره وأنت دايس برضه عشان يتعرف على المشوار اللى يمشيه لما حضرتك تدوس الزرار بعد كده دوسه واحده..........الحاجات دى عملتها بنفسى ومش محتاجة توكيل خالص
أرجو أنى أكون افدتك ولو كان عندك أستفسارات أخرى أنا فى الخدمةptmnlo123per133