رد: ارجو الافادة عن (نقل ملكية-ترخيص-استخراج رخصة حاصة)
استاذ ايمن زميل الستروين العزيز
ايه اخبارك ؟؟
انا اتمرمط وانا بنقل الاكسارا من القاهرة للأسكندريه وحفظت كل زخانيق المرور
وهحاول ارد علي اللي اعرفه
هل ينفع اطلع خاصة وانا معايا مهنية؟
دي انا معرفهاش ( يادي الاحراج من اولها كدا )
اشتريت عربية فى 8/2010 ورخصتها تنتهى فى 8/2011 والفحص برضه فى نفس التاريخ(ايه الفرق بين الفحص وتجديد الترخيص؟؟)
العربيه بتفحص كل ٣ سنين تمام
لكن انت ممكن تفحص السنة دي وتدفع تجديد وضريبة وتامين لسنه واحده او سنتين قدام
ساعتها هتيجي بعد سنه تجدد تاني لكن مش هتمر باجراءات الفحص هتبقي كلها اجراءات ورقيه
لكن لو العربيه مش بأسمك وجه ميعاد التجديد لكن ميعاد الفحص فاضل عليه سنه مثلا
ساعتها لازم تفحص لو انت هتنقل ملكية العربيه باسمك حتي لو العربيه لسة فاحصه السنه اللي فاتت طالما بتنقل ملكية لازم تفحص
لما اشتريت اشتريت بعقد مسجل فى الشهر العقارى العربية تبع مرور الوايلى ولما جبت شهادة المخالفات(بالنيابة عن البائع بعد ما اشتريت بالاتفاق معاه) جبتها من مرور السلام وحسبى الله ونعم الوكيل فى المرور ده
المهم انا دلوقتى معايا عقد البيع بإسمى والرخصة الحالية بإسم البائع والرخصة تبع مرور الوايلى بس بروح له السلام(مش عارف ليه) عايز بقى اجدد الترخيص اليومين دول(مع العلم ان لسه باقى فى الرخصة 4 شهور تقريبا) قبل الصيف وحر الطوابير
وفى نفس الوقت عايز انقل الملكية لزوجتى مش لى يعنى الرخصة الجديدة تبقى بإسمها (مع العلم انها هتعمل لى توكيل عام)
استني شويه هنا
العقد باسمك يعني سجلت باسمك ولا عملك توكيل ؟؟
لو سجلت باسمك يبقي لازم ترجع تسجل العربيه تاني باسم مراتك للأسف.. وده ممكن في الشهر القاري او المرور
لكن لو توكيل يبقي ممكن تبيعلها بالتوكيل
ولو هتكتب باسم مراتك يبقي مراتك لازم تروح المرور اول مره في النقل
وانت هتنقل العربيه للمرور التابع ليه عنوان بطاقة المدام
سمعت انى لو جددت قبل ميعاد التجديد هدفع مرتين مره دلوقتى ومره عند ميعاد التجديد الكلام ده صح ولا غلط
الكلام ده غلط لانك بتنقل ملكيه مش بتجدد بس هما بيتعاملوا لغاية شهر ٦
يعني لو رحت قبل ٦ يبقي الكام شهر دول سنه ( مش فالفلوس ) ولكن مش هاترضي ترجددلك غير سنتين كحد اقصي
بس المعلومه دي مش متأكد منها اوي لان من خلال مرمطي في المرور اعرف ان كل مرور وله سياسه خاصة داخليه ممكن تختلف من مرور للتاني
بيانات العربية: ستروين AX مو95 موتور 1400 سى سى نهايو الترخيص 8/2011
المطلوب بإختصار
1- نقل الملكية بإسم زوجتى
2-نقل التعاملات من مرور الوايلى (او السلام) الى مرور بين السرايات
3-استخراج رخصة خاصة
4-اجراءات الفحص وما يلزمة من (طفاية - مثلث - شنطة -اسعافات .....الخ)
معلش دوشتكم معايا بس ياريت اى حد يفيدنى عشان اعرف راسى من رجلى
وجزاكم الله كل الخير[/QUOTE]
متهيألي اني رديت علي اغلب الاستفسارات وتحت امرك في اي حاجة
وكفايه انك سترويني زيي
تقبل مروري
|