رد: لو نويت تنزل سوق السيارات لازم تدخل هنا
المشاركة الأصلية كتبت بواسطة ahmed.dbs
طب يا جماعه انا عايز اشترى عربيه و دايخ بقالي 3 شهور ومعايا 30 الف و عايز عربيه كويسه اعمل ايه؟
قدامي الفا روميو على 35 الف و الناس كلها مخوفانى منها مع انى بحترم هذه الماركه جدا
|
أنا بصراحة أحترم الالفا روميو جدا جداو معجب جدا بـالـ 156 تحديدا بس للاسف ماركبتش الفا روميو قبل كده خالص و حتي ما ليش معارف اشتروها ،، بس من السمع انا اعرف ان قطع غيارها غالية و في بعض الموديلات مش بيبقي موجودة ،،،
و اعتقد انه لو ببساطة تقدر تروح لمحلات قطع الغيار و تستشف الاسعار ما بين الميكانيكا و العفشة و البودي (فوانيس و شبكة و مرايات ،،،، ) تبقي قطعت باب الحيرة و بتتكلم علي ارض صلبة ، و كمان مافيش مانع تروح الحرفيين او عزبة شلبي للاستفسار عن وجود قطع غيار استيراد لها من عدمه و برضه تعرف اسعارها ،،، يبقي بكده انت لميت فكرة عامة عن العربية ،،،
أما عن مبلغ 30 الف فهو مبلغ جيد و الاختيارات كثير ، ممكن اكسنت 1300 و ممكن متسوبيشي 90 - 91 عيون صفية و ممكن جولف 2 87 و ممكن اكسيل 1500 94 95 و ممكن هوندا سيفيك 86 - 88 و ممكن تمبرا "ده لو انت ميال للذوق الايطالي و عاوز فيات" و ممكن كيا برايد سيدان 98 و ممكن حاجات ثانية كثيرة كلها جيدة و الموضوع علي حسب ذوق سيادتك و احتياجك للسيارة و مصاريف ما بعد الشراء.
و تمنياتي بالتوفيق ،،،، 
__________________
سبحان الله و بحمده سبحان الله العظيم عدد خلقه و رضا نفسه وواسع رحمته و زنة عرشه و مداد كلماته
الحمد لله و لا حول و لا قوة الا بالله و الله اكبر عدد ما كان و ما سيكون ملئ الفراغ و ملئ السكون
|