أنا معاكو فى إنة يصور البطاقة و ياخد بياناتة لكن اللى مش متخيلة إزاى واحد يمضى على شيك على بياض أو حتى تمن العربية و أقولكو لية .. أولا المفروض صاحب المعرض دافع تأمين شامل على كل العربيات اللى عندة عشان لو عملت حادثة لا قدر اللة أو إتسرقت أو حصلها مكروة يلاقى شركة التأمين اللى تعوضة مهما حصل للعربية و على فكرة لازم التأمين يكون شامل اللى هيسوق العربية لكن أنا أعتقد إن أصحاب المعارض بيكتبوا المستأجر شيك عشان العربية ممكن تكون لواحد تانى غير صاحب المعرض بيكون حاططها عندة عشان يستفيد من وراها و صاحب المعرض كمان يستفيد و معنى كدة إن العربية دى غير مثبوتة على قوة المعرض عشان ميدفعش عليها ضرائب فبالتالى بيخاف إن العربية يحصلها حاجة و يلبس هو مع صاحب العربية الأصلى .. لكن المستأجر مش ذنبة إن صاحب المعرض بيشتغل بطريقة ملتوية و يخلى المستأجر يكتب شيك على نفسة .. يبقى الحل إن محدش يأجر عربية إلا لما يتأكد إن العربية متأمن عليها و يكون موجود فى العربية صورة من وثيقة التأمين ...
ثانيا .. المستأجر مش مطلوب منة إنة يكون ميكانيكى عشان يقدر يفحص العربية قبل ما يطلع لأن فى عيوب مبتظهرش غير لما العربية تسخن فلو الموتور حصلة حاجة المستأجر مش ملزم بتصليحة لأن ممكن يكون عيب من اللى أجرها قبلة ,, يا ترى كلامى فى حاجة غلط ؟؟
