[abdalraahman]

السلام عليكم ورحمة الله و بركاته احب ابدء بشكر أ/ إيمــــان على إفادة الأعضاء بالمعلومات القيمة و لي استفسار انا كنت مأمن على سيارتي في مصؤ للتأمين و حصلي حادثة من حوالي اسبوع و السيارة هتحتاج الى اصلاح يتعدى 5000 الاف ج حررت محضر شرطة بالواقعة و قمت بتسجيل اخطار الحادث بالانترنت عبر موقع مصر للتامين الرسمي و طبعت نموذج الاخطار و اخد رقم تسلسل و بعدين روحت شركة مصر للتامين و معايا صورة رخصة القيادة + السيارة + وثيقة التامين + صورة رسمية من المحضر و قدمتهم للموظف المختص و مكنتش لسه عملت المقايسة ، سالنى كنت شاري السيارة منين ؟ قولتله من المصرية للسيارات قالي : يبق تروح ليهم بالاوراق دي و التعامل هيكون ان شاء الله معاهم كانهم هما مصرر للتامين بالظبط ، و بالمناسبة انا لما امنت على العربية مروحتش شركة التامين اصلا خالص و فعلا المصرية هما اللي عملوا كل حاجة و سلموني صورة وثيقة التامين الخاصة بي ، المهم روحت المصرية للسيارات و قابلت المختص و سلمته الاوراق بعتها بالايميل للشركة و رجع الاوراق ليا و كان اليوم التالي يوم الوقفة يعني اجازة فقالي نكمل الاجراءات بعد العيد اللي هيا اني اروح اعمل مقايسة في مكان الاصلاح (التوكيل مثلا) و ارجعله بيها عشان يحددلي ميعاد للمعاينة من الشركة . الاستفسار : لما اروح التوكيل بالعربية بعد العيد عشان اعمل المقايسة و اشوف العربية تتكلف كم ، امتى بقى بعد كده هتتم المعاينة ؟ هل هتتاخر و لا بعد ما ااوصل المقايسة للمصرية هيبعتوا الفني معايا على طول عشان المعاينة ؟ تاني حاجة : اللي كان سايق السيارة كان واحد صاحبي و تربطني بيه صلة مصاهرة و كنت عامله توكيل ادارة بس عرفي (غير موثق ) و هو يحمل رخصة قيادة و انا كنت معاه وقت الحادث و هو سايق و المحضر اتعمل باسمه ، هل ده في مشكلة ، خاصة ان العربية هيا اللي متامن عليها مش شخص بعينه ؟؟ وازاي اعرف ان التعويض تم قبوله و الشركة هتصرفي ام لا ؟ و اخيرا : بعد المعاينة ؟ هصللح العربية و ادفع التكاليف و ارجع اصرفها بشيك بعد كده ؟ هل ممكن بعد الاصلاح و الدفع من جانبي ترفض الشركة ان ترد لي المصاريف على اساس ان التامين اترفض ؟ و لا مفروض هيعرفوني من الاول قبل ماصلح ؟ اسف للاطالة و ارجو الافادة من حضرتك