اخيرا تم حل مشكلتي مع ال ABS
بكل بساطة اشتريت جهاز ABS من عند بتوع الجولف في شارع يوسف صبري ابو طالب في الحرفيين او اسمة شارع المرسيدس وكان سعرة 200 جنية وطبعا دة سعر كبير حبتين لأن الجهاز دة بيترمي ومحدش بيسأل علية اساسا لكون طلبة ضعيف واعطالة قليلة علشان اللي بيعطل بس هي الحساسات اللي في الطنابير ........ وكمان انا ماركبتش الجهاز كلة انا ركبت وحدة الكنترول بس لأنها كانت عطلانة واللمبات منورين بتوع فرامل اليد الحمرا والصفرا بتاعة الجهاز نفسة في التابلوة والوحدة دي بتتفك ب 4 مسامير الانكية نجمة من البامب او الطرمبة بتاعة الجهاز اللي راكب فيها مواسير الفرامل طبعا كلكم عارفين شكلها
بعد ما ركبت الكنترول وحطيت فيشتة ما اشتغلش
طبعا علشان مش متكود علي الكمبيوتر بتاع العربية الأساسي علشان يقراة لأن في منة ارقام كتير بتركب علي الجولف وفي اللي بيركب علي الأودي وفي علي السيات المهم كلهم واحد وبنفس الفيشة
......................... ......
رحت عند مهندس عبقري اسمة احمد عبالحميد في بلوك 12 في الحرفيين وقالي تصدق اني انا الوحيد اللي بكود الأجهزة دي وبعيد برمجتها علي العربية دي تحديدا وانا الوحيد بعد التوكيل اللي عندي الكمبيوتر المخصوص بتاعها لأنة بالصيني
وفعلا تم حل المشكلة
والمهندس احمد دة كان شغال مدير صيانة شيري لغاية 2010 وبيفهم في الكنترولات بتاعة العربية دي كويس جدا
اللي عايز رقمة يبعتلي علي الخاص
شكرا
طارق اسيوط
|