[أبو زيزو المصري]

بالنسبة لترخيص عربيتك:
1_ لو معملتش العقد النهائي لازم تعمله في الشهر العقاري وتكلفة تسجيله في الشهر العقاري حوالي 1000 جنيه.

2_ بعد كدة هتطلع بالعقد على المرور القديم اللي تابعة ليه العربية ومعاك العقد النهائي والرخصة والتوكيل اللي باعلك بيه العربية، ومن الأفضل إنك تستنى لحد لما الرخصة تنتهي, وهتقول لهم عاوز أنقل ملكية.

3_ هتدخل ترفع بصمة و هتاخد شهادة بيانات للعربية وتطلع بيها على مرور حلوان تفحص هناك و تطابق البصمة .

4_ بعد كدة تطلع على المرور القديم هياخدو منك النمر القديمة ويا ريت لو تعرف تطلع براءة الذمة من المرور القديم, وهيدوك شهادة بيانات تمشي بيها لمدة 15 يوم لحين ورود الملف لحلوان.

5_ تطلع بقى على مرور حلوان بالكلام ده كله وتقول لهم على شهادة البيانات وانك عاوز تعمل الترخيص وبعد 10 أيام تروح لهم تاني هيكون الملف وصل وترخص عادي جدا .

6_ تكلفة الحوار ده: وثيقة التأمين لمدة سنة بحوالي 110 جنيه وضريبة السنة الواحدة 234 جنيه وشوف بقى انت عاوز ترخص كام سنة , أما المصاريف الجانبية من استمارات وانتقالات وخلافه هتعملها حوالي 150 جنيه.

7_ طبعا ده موال أزرق ومنيل بس للأسف هي دي بلدنا.

وبالتوفيق إن شاء الله