[magdy_c_c]

يا جماعة المفروض ناخد بالنا كويس
اسرائيل مش بتعمل شراكة مع شركة شيرى الصينية و بس
لا
خد عندك
أدوات السباكة
الأدوات الصحية
أجهزة اللاسلكى طويل المدى ( كلنا عارفين السيناو الاسرائيلى )
معظم الموبايلات الصينى متعددة الماركات ( صناعة صينية بأموال اسرائيلية )
معظم الأحذية و الشنط المستوردة ( اسرائيلى )
جميع الأسلحة البيضاء ( اسرائيلى )
لا مش كده و بس
معظم المأكولات و خصوصا ً المعلبات و الأسماك و اللحوم المجمدة ( اسرائيلى )
طيب حد سمع عن الزبادى اللى كان بيتباع فى العريش و سيناء بـ 1 جنبه بس بالرغم انه قد علبة الجهينة مرتين ؟
طيب تعرفوا
ان فى مجال الصحة معظم الأجهزة الطبية و الأدوات الطبية و الاكسسوارات و خصوصا التى تباع بالتقسيط للأطباء الراغبين فى فرش عيادات جديدة هى فى الأساس منتجات اسرائيلية ؟
طيب تعرفوا ان مصنع Intel مقره الأساسى فى تل أبيب ؟
بلاش
تعرفوا ان تطبيق بعض البرامج المجانية مثل برنامج " فايبر " ( اسرائيلى ) ؟
و هو البرنامج الذي يوفر الاتصال والتواصل مع الآخرين مجاناً عبر المكالمات الهاتفية والفيديو والرسائل النصية لديه القدرة على قراءة جميع الأسماء والرسائل في سجل الهاتف، حتى تلك التي ليست ضمن البرنامج.
وأشارت بعض التقارير إلى أن البرنامج، الذي تجاوز عدد مستخدميه 100 مليون مستخدم حول العالم ، لديه الصلاحية لمعرفة موقع المستخدم الجغرافي، والحسابات الشخصية وتسجيل الصوت والصور وتسجيل الفيديو كما يمكنه الوصول إلى جميع الملفات على الهاتف وقراءة الإعدادات وحتى البرامج المستخدمة على الهواتف الذكية الأمر الذي يجعل بيانات المستخدمين عرضة للانتهاك.
وكان الموقع الإلكتروني لوزارة الصناعة الإسرائيلية ذكر بأن تطبيق «فايبر» المستخدم على أجهزة الهواتف الذكية، والذي يسمح بإجراء مكالمات وإرسال رسائل قصيرة مجانية يعود لشركة إسرائيلية.
وقال الموقع إن 100 مليون شخص أصبحوا يستخدمون «فايبر»، وإن المستخدمين يجرون مكالمات بواسطته تصل مدتها إلى ملياردقيقة، ويرسلون حوالي ألف رسالة نصية من خلاله شهريًا.
وحسب موقع «ويكيبيديا»، فإن «تالمون ماركو» مؤسس ومالك شركة «فايبر ميديا» هو إسرائيلي-أمريكي خدم 4 سنوات في وزارة الدفاع الإسرائيلية، وشغل منصب المدير التنفيذي المسؤول عن المعلومات في القيادة المركزية، وهو حاصل على درجة امتياز من جامعة تل أبيب مع شهادة في علوم وإدارة الحاسب، ومقر شركة «فايبر» في قبرص.
وبالبحث عن المشاريع السابقة لمؤسس شركة «فايبر» وجد أن له برامج لمشاركة الملفات على الإنترنت تقوم بتنزيل برامج خبيثة وأدوات تجسس واختراق على أجهزة المستخدمين، منها على سبيل المثال iMesh – Bandoo.
يشار إلى أن «فايبر» شركة غير ربحية، تقدم خدمة مجانية 100% خالية من الإعلانات، الأمر الذي يثير تساؤل عن الهدف من كون البرنامج مجاني لـ 100 مليون مستخدم حول العالم.
طيب تعرفوا
ان اسرائيل بتحاول تتواصل مع العالم العربى عبر الفيس بوك
عن طريق موقعها " اسرائيل تتكلم العربية "
و من خلال هذا الموقع تعلن عن الكثير و الكثير من السلع الغذائية و الكهربية و الطبية ؟
طيب تعرفوا
ان من أكفأ الموتوسيكلات الصينى " برأس مال اسرائيلى " ؟
طيب عرفتوا
ان هيونداي موتورز فى زيارة لاسرائيل على رأس فريق مكون من ستة لجان رئيسية " الموردون المستوى الأول " ، للشروع في التعاون الصناعي مع المصنعين المحليين ؟
طيب عرفتوا
أن هيئة التعاون الصناعي (ICA) وقعت مظلة اتفاق جديد للتعاون الصناعي مع شركة جنرال موتورز ؟
طيب ايه رأيكم ان معظم ملابسنا اللى من الصين هى فى الأساس شراكة ما بين اسرائيل و الصين ؟
بلاش كل ده
حضراتكم عارفين أن معظم الأدوية المتهربة و خصوصا الأدوية المخدرة زى الترامادول و التامول و .........
و أدوية المنشطات الجنسية و اللى للأسف بتعلن عنها قناة التت كل دقيقة هى بالأساس أدوية اسرائيلية مضروبة ؟
و لا تقولى بخاخ و كريم ألمانى و لا تايجر أمريكانى و لا لافيترا و لا سيالس كل ده اسرائيلى مضروب و له مخاطر جمة على المعدة و القلب و الضغط و السكر و البصر و المصيبة على قتل خلايا المخ كمان !
طيب شوف يا عم آخر خبر
قامت مؤخرا وزارة الصناعة والتجارة الإسرائيلية بتوقيع عقد مشترك مع قسم التخطيط المركزي للحكومة الصينية ، والتي تحدد السياسة الاقتصادية للحكومة بالإضافة إلى عمل القسم المذكور على تطوير العديد من الجهات الاقتصادية في الصين وكذلك العمل على تطبيق الاهداف الاقتصادية. والتوقيع على هذا القرار جاء من اجل العمل المشترك ما بين الطرفين من اجل الازدهار الاقتصادي والعمل التعاوني من خلال تطوير مشاريع اقتصادية في العديد من المجالات من بينها مجال الهاي تيك والطاقة المتجددة وكذلك الاي تي وتقنيات زراعية وتكنولوجيا المياه ومشاريع اخرى عديدة.
ومن جهته أشاد واكد وزير التجارة والصناعة على اهمية هذه الخطوة والتي من شأنها ان تعزز الاقتصاد الاسرائيلي وتعمل على ازدهاره وتطويره.
كما واشارت ادارة التجارة الخارجية لوزارة الصناعة والتجارة الى انه في العام 2010 طرأ ارتفاع ملحوظ على التجارة مع الصين والتي تقدر بـ 6.78 مليارد دولار والارتفاع بنسبة 48% مقارنة بالعام الماضي والعجز التجاري للعام 2010 وصل لـ 2.69 مليارد دولار وخلال الربع الاول للعام 2011 وصلت نسبة التجارة لـ 1.86 مليار دولار.
وتشير النتائج الى ارتفاع بنسبة 20% والازدهار المذكور يشير الى ارتفاع بسنبة الاستيراد بنسبة 18% .
و احنا زى الفل عمالين نستورد كل حاجة من الصين
كاميرات مراقبة - كاميرات ديجيتال - ساعات - كمبيوتر - لاب توب - آيفون - شاشات - منتجات كهربائية - موتوسيكلات - عربيات - أحذية - شنط - ملابس - نجف - تحف - أنتيكات - ستاير - مفروشات - سلع غذائية - معلبات - زبادى - أسماك وفراخ و لحوم مجمدة - أدوات الصيد - أدوات الخياطة - الموبايلات - جميع اكسسوارات المحمول - الأدوات الكهربائية - الأجهزة الكهربائية - الأخشاب و منتجاتها - أعمال الألمونيوم - مبيدات زراعية ( أقسم بالله واحد صاحب منحل عسل زميلى قالى ان فى غذاء ملكات لونه ابيض زى لبن الحليب و الجرام بـ 1 جنيه بس و طلع صينى - اسرائيلى و احنا ما بنقولش لا طالما الحاجة رخيصة ) !
و غيره و غيره و غيره
الحل بقى نقاطع مين و لا مين
نقاطع الصين اللى حوالى 40 % من منتجاتها برأس مال اسرائيلى يهودى و لا نقاطع اسرائيل ؟
و الله الواحد خايف ان الهواء اللى بيتنفسه يطلع صينى قصدى اسرائيلى هو كمان ؟
رحمتك يا رب
:thin kW19:
المشكلة ان معظمنا مش عارف ايه هو المنتج الاسرائيلى و ايه هو المنتج ( اللى برأس مال اسرائيلى و بيتصنع فى الصين )
و الله الموضوع سهل و بسيط جدا ً و كل الدول المحترمة عاملاه
تخيلوا أن معظم دول أوروبا و ضعت علامات مميزة للمنتجات الاسرائيلية سواء المصنعة هناك أو التى بشراكة مع دول أخرى !
تخيلوا ان سويسرا فعلت ذلك ؟
تخيلوا ان جنوب افريقيا وضعت علامات مميزة لتلك المنتجات فى بلادها و دعت الى مقاطعتها كمان ؟
عاوزين تفهمونى ان كل الول العربية مش عارفة ايه المنتجات الاسرائيلية و ايه المنتجات اللى برأس مال اسرائيلى و بتتصنع فى دول تانية و تتصدر لنا تانى علشان بفلوسنا يقتلونا ؟
أنا لا هاقول شيبسى و لا بيبسى و لا كوكاكولا و لا بيتزا هت و لا ماكدونالدزو لا ولا ولا ........
كل الحكومات عارفة ايه هو اليهودى عامة و الاسرائيلى خاصة .
مش عاوزين نضحك على نفسنا اكتر من كده
عاوزين تقاطعوا العربيات الشيرى أوكى أنا أول واحد بادعوا للمقاطعة
بس يا ريت تقاطعوا معاها الهيونداى اللى مالية مصر و جميع العربيات اللى تبع جنرال موتورز
و الموتوسيكلات الصينى و المحمول و الاجهزة الالكترونية و المأكولات و المشروبات و الملابس و الاكسسوارات ، و ......... و............. و........... الخ

امتى حكوماتنا هتبقى محترمة و ما تستخفش بنا و تحط العلامات المميزة للمنتجات الاسرائيلية ؟
مش عاوزينها تدعو للمقاطعة بس من حقنا على الأقل نعرف ايه هى منتجات الأعداء
و احنا ساعتها اللى هنقرر نستخدم ايه و ما نستخدمش ايه ؟
الطف بنا و ارحمنا يا رب