فية ناس كتيرة متعرفش اهمية فرامل ABS الموجودة في العربية ويمكن كمان تكون مبتعرفش تستخدمها عشان كدة انا حبيت اعرض الموضوع دة ونتناقش فية بس الاول اقول اية اهمية فرامل ABS
1- تمنع ايقاف العجلة عن الدوران نهائيا فهي توقفها تدريجيا عن طريق النبضات ودة يخلي العربية متتزحلقش ولا تروح يمين ولا شمال ولا تلف حول نفسها ممكن تطول مشوار الفرملة شويه عن الفرامل العادية بس حاجة بسيطة لا تذكر.
2- تسمح لك بالتحكم في الدركسيون اثناء ضغطك على الفرامل ودة يساعدك على تفادي اي حاجة امامك عكس الفرامل العادية بتخليك تفقد الدركسيون نتيجة الزحلقة.
عشان كدة تبقا طريقة الفرملة ازاي ؟
1- تدوس على بدال الفرامل.
2- تفضل دايس متشيلش رجلك خالص (يعني ماتدوسش وتسيب زي الفرامل العادية) متكركش يعني.
3- تجعل اهتمامك بحركة الدركسيون يمين وشمال لتفادي الشيئ المقابل امامك.
ودة فيديو بيشرح الكلام اللي انا قولتة
التعديل الأخير تم بواسطة mhamdy75 ; 06-11-2012 الساعة 01:00 AM