المشاركة الأصلية كتبت بواسطة altayb
السلام عليكم ورحمة الله وبركاته
انا معايا كورولا 98 العيون اوتوماتيك ومحتاج موتور جديد استيراد
المشكلة عندى انى نسيت الميه فترة فالموتور سخن جداا لدرجة انو كسر أحد البساتم والميكانيكى قاللى عايز كده عمره أو نغير الموتور ........ المهم قررت اجيب موتور بس المشكلة انى فى أسيوط والموضوع ده صعب هنا المواتير لازم من بور سعيد او الحرفيين وكل تاجر هنا عايزنى اجين عن طريقه وبقالى 10 ايام تايه ما بينهم المهم
أولا : انا عايز اغير الموتور من 1300 سى سى ل1500 او 1600 بالمرة طالما حغير فعايز اعرف ايه الافضل وانا عارف ان ال1600 انجكشن وانا عربيتى 1300 كاربراتير فده حيحتاج انى اغير ضفيرة وكنترول اما ال1500 بيكون كاربراتير ومش حغير ضفيرة ولا حاجة
ثانيا : سمعت انى فيه استيراد اليابان وفيه اوروبى ايطاليا وقرص وكده وان طبعا اليابان افضل . ياريت لو حد يفيدنى فى ده .
ثالثا : محتاج حد اشترى منه الموتور وانا مطمن من الحرفيين لانى معرفش حد هناك فياريت حد يساعدنى من اهل الخبرة فى ده .... أنا ممكا احمل العربية على ونش واوديها او اروح واشترى الموتور .. كمان ياريت تحولها من مانوال الى اتوماتيك يبقى افضل انما لو بتحب المانوال يبقى اعمل عمره وريح دماغك
لو حد ممكن يكتبلى رقم تليونه وأنا اكلمه عشان لو محتاج تفاصيل اكتر
ياريت اللى عنده معلومة يفيدنى بيها بسرعة وربنا يجازيه خير ...... ورمضان كريم عليكم جميعا
|
افضل حل انك تحمل السياره على ونش الى الحرفين او بورسعيد وتعمل الشغل كله هناك تتفق مع تاجر ويسلمك تسليم مفتاح الموضوع دا ياخد يومين عمل او يوم ونص
انت بقى دور على تاجر كويس ويسلمك كله خلصان انما لو هتعمل فى اسيوط يبقى اعمل عمره فقط وبلاش تسقيط مكنه غير فى الحرفيين او بورسعيد
بس اهم حاجه تشوف حد مجرب وعندك فى المنتدي شوف هتلاقى انا سمعت عن تاجر اسمه زوزا فى الحرفين بس انا مجربتوش انا اشتريت ماتور من بورسعيد وركبته فى المنصورة واخدت وقت حوالى 10 ايام ومعناه وتعديل ضفيره وفيلم ومصاريف بالعبيط ياراتنى كنت عمرت افضل ..
خلاصه الكلام لو عمره يبقى اسيوط
لو تسقيط ماكنه يبقى الحرفيين او بورسعيد والتاجر اللى يبيعلك يسلمك تسليم مفتاح