[هاني عبد الحميد]

انا عندي شكوة من مركز الصيانة فرع الشرابية بشارع معمل الصابون - انا عملت حادثة علي الطريق الدائري من شهرين تقريبا اتكسر فيها الفانوسين الاماميين والشبكة واتعوج فيها الصدر الامامي والرفرفين والكبوت بس محصلش اي شيء الحوض او الماتور والحمد لله ورحت سايق العربية للتوكيل ورحت لشركة التامين وعملت معاينة ورحت للتوكيل والمهندس عمل معاينة وكتب تقرير وبعتناة بالفاكش لشركة التأمين بحوالي خمسة الاف جنية وجبت موافقة من شركة التأمين ( كل ده جميل ) سألت المهندس تاخد وقت اد اية قالي من اسبوع لعشرة ايام بكل اسف صدقتة وسبت العربية امانة عندهم وبعد اسبوع رحت لقيت العربية برة العنبر والزجاج الامامي مفتوح والعربية مليانة تراب ومتعملش فيها اي حاجة ولما سألت المهندس قالي تعالا كلم مدير المركز رحت كلمت مدير المركز قالي اصل الفرن مش شغال قلتلة فرن اية ده انت حتي مغيرتش اي قطع غيار ولا اتعمل فيها اي حاجة الكلام دة لو انت غيرت كل حاجة مكسورة ووقفت علي الرش - قالي انا هبعتهالك فرع العباسية واوصي عليها - قلتلو انا لما صدقتك اول مرة وكذب عليا وده عيب عليك بس لو صدقتك تاني يبقي العيب عليا انا - وخدت العربية واخدة قيمة كشف المعاينة 100 جنية ورحت صلحتها برة واتكلفت 1400 جنية بس وخدة يومين شغل بس - انا عارف ان الكلام مالوش لزمة بس انا مضايق جداااااا لان العربية تستاهل اهتمام اكتر من كده