المشاركة الأصلية كتبت بواسطة Ahmed 2li
السلام عليكم ... انا كنت محتاج نصيحتكم بخصوص شرائي الأكورد مو 91 موصفاتها كالاتي
(منيوال - 2200 سي سي - فول اوبشن - تكيف)
العربية حالتها نظيفة جدا كشف علي اساسيتها كلها سليمة و غير كدة صاحبها رجل كبير من الناس اللي بتهتم بالعربية زيادة عن اللزوم
بس انا كنت عايز اعرف ايه رائكوا في العربية في المجمل يعني مميزاتها و عيوبها و تنصحوني بشرائها و لا لأ وانا هشتريها ب 40000 ج هل السعر مناسب ع الحالة؟؟ ارجو منك الافادة ولكم جزيل الشكر
|
دى عربية ركوبة وقطع غيارها موجودة فى التوفيقية والحرفيين والميكانيكية بتوعها موجودين بس قليل.
العربية يابانى ركوبة جامدة جدا وفيها اوبشن غير عادى وسحبها على الطريق جامد جدا.
دا الأكورد موديل 1983 و 84 لحد النهادرة انا بجيبلها قطع غيار اصلية واستيراد ما بالك بقه بموديل 1991.
بس أهم حاجه تكشف عليها كويس جدا لو حالتها ممتازة وفبريكة من جوة وبره. توكل على الله وخدها.