[sad-bird]

المشاركة الأصلية كتبت بواسطة alymonir هي بدأت تنتشر بس مش أوي لدرجة اني لما بشوف حد راكبها بازمره و أرعشله و هو كذلك برضه

ههههههههه
ربنا يزيد ويبارك وتبقى كبير المازداويه في مصر

المشاركة الأصلية كتبت بواسطة alymonir الله يبارك فيك يا حازم باشا صاحي لحد دلوقتي , على غير العادة إن شاء الله خير علشان خاطرك حاكمل الموضوع مع اني ماكنتش ناوي أكمله دلوقتي ( للتشويق ) , بس واضح إن مفيش حد مهتم بالمازدا قوي

معلش يا استاذ على الناس بردااااااااااااانه ونايمين من المغرب مع الفراخ وبعدين حازم باشا بقي بيخاف الايام دي لحسن فيه عفريت كل شوية يطلعله اسمه احمد بدر
ههههههه

المشاركة الأصلية كتبت بواسطة alymonir 2- سألته على الهواء البارد يأتي من فتحات تكييف السيارة عند وضع الهواء من الخارج من أسفل الزجاج الأمامي فقط , كنت شاكك إن التكيف بيشتغل بالغلط فقالي إن التكييف مش شغال على الوضع دة إلا لو شغلته , بس مش عارف , لحد دلوقتي حاسس إن الهواء أسقع من درجة حرارة الجو الخارجي لدرجة إنه أحيانا بيشبر الازاز

الهواء لما يكون جايلك من بره وانت جوه العربية بيكون الاحساس بيه ابرد لان جسمك بيكون دافي والهواء جايلك مع سرعة العربية مهما كانت المعوقات ليه في الاول فبيكون ابرد من المتوقع الموضوع مرتبط بالاحساس البشري مش بالميكانيك بتاع العربية

المشاركة الأصلية كتبت بواسطة alymonir 3- كان فيه جزء صغير جدا في حرف الباب الأمامي شمال ( دائرة قطرها 5مم تقريبا ) زي ما يكون البوية متقشرة فيها ( مش مني و الله أنا استلمتها كدة ) و لا أظن إن صاحب المعرض اللي اشتريتها منه لأنه لا يوجد اثار أخرى لخبط أو احتكاك فقالي إنها لا تمثل أي مشكلة و لا ضرر على الصاج مستقبلا , و دي برضه شاكك فيها

بما انها حاجة بسيطة ممكن تكون خبطة من اي حاجة على خفيف ومحدش اخد باله ابتداء من المصنع لغايه وصولها لحضرتك وحضرتك بتقول 5 مم يعني مش باينه
لكن كأجراء احترازي ( وقائي) ممكن حضرتك تحط عليها مادة عازلة ( فازلين ) بحيث ان لو نزل عليها ميه او تعريق من النفس في الشتاء المية مش تلمس الصاج وتسبب مشاكل مستقبلا
يبقى هيا نقطة فازلين تحطها عليها وكل كام شهر او كل ما تغسلها نقطة كمان وبس

المشاركة الأصلية كتبت بواسطة alymonir 4- استهلاك البنزين عالي حبتين فقالي إن ده طبيعي , و دي أكتر حاجة مستغربها حوالي 10 لتر لكل 100 كم ( متوسط مدينة و سفر ) أنا حاسس إنه عالي جدا

اعتقد ان دي علشان فترة التللين وكمان حضرتك مقلتش السرعة اللي بتمشي عليها كام علشان تقرر اذا كان عالي والا لأ

المشاركة الأصلية كتبت بواسطة alymonir + إن احتياطي التانك كبير جدا , اللمبة بتنور و بيكون فاضل حوالي 13 لتر في الخزان

انا شايف ان دي ميزة مش عيب وده ممكن يكون امر محسوب علشان محدش يسرح على البنزين ويوصل لقعر التانك ويقول ابقى انضف الفلتر
راعي ان اغلب محطات البنزين فيه شوائب في البنزين فيها يعني 13 لتر الاخيره دي يدوب تتعامل فيها مع الشوائب من غير مشاكل وواظن دي ميزة مقارنة بسعر الفلتر لانه عندك غالي جدل انت مش هتجيب فلتر فيات ب 10 جنية وتحطة ده فلتر ب 230 جنية يبقى الموضوع ده ميزة مش عيب

المشاركة الأصلية كتبت بواسطة alymonir ودي من أكتر الحاجات اللي مدايقاني لحد دلوقتي

ياباشا انت من الاول لفيت وتعبت على ما قررت الاختيار وربنا اكرمك ووفقك بحاجة انت مرتاح ليها يبقى متخليش حاجات صغيرة ذي دي تخليك تزهق منها
ربنا يباركلك فيها وعقبال لما تجيب اختها الكبيرة

mazda shinari concept