رد: أول مشكلة مع الهيونداى لافيتا
أنا مش عارف يا أستاذ أحمد. أنا أشترتها من 9 شهور وعامل فيهم 200 كيلوا فقط لا غير. العربية عاملة كلها 158 الف كيلوا. مش عارف الراجل الكورى اللى كان مالكها غير السير أمته. المشكلة مش فى حكاية السير يا أستاذ أحمد. المشكلة أن العربية دى أصبحت منتشرة بشكل كبير فى مصر يعنى كل اللى بيجيب عربيات معاقين من بورسعيد بيجيب اللافيتا اللى هى هى بالضبط الماتركس من حيث الشكل والإختلاف الأوحد هو فى الماتور 1500 سى سى 12 صباب و 2 كاما علوية والفرامل ABS وكمان 2 وسادة هوائية. غير كدة فالعربية بالضبط الماتركس. فى ناس عندهم العربية من فترة وأكيد غيروا السير لاى ظرف ولكن أزاى؟؟
أنا لا أعتقد أن الحكاية محتاجة سير إستيراد لان العربية وقف إنتاجها من 2004 وأكيد كل اللى ماشى فى الشوارع اليوم معتمد على سير بديل ينفع لعربية حديثة. المهندس اللى قال لى مش ينفع أصلا مش أشتغل فى عربيات اللافيتا ولكنه بنى رأية على أن الماتور الماتركس المصرى طالما 1600 سى سى و 16 صباب وهو مختلف بهذه الموصفات عن ماتور اللافيتا إذا لا ينفع تركيب السير لها. وحتى لما قلت له طيب نركب بتاع الفيرنا الفيفا لانها 1500 سى سى برضوا اعتذر وقال مش ينفع بدون إعطاء أسباب....
أنا نفس يكون فى حد فى المنتدى هنا يفهم كويس فى الميكانيكا وعارف تغير السير دة بيتم على أى اساس. للاسف مش عندى فكرة غير أن عدد السنون بيختلف يعنى فى سير ألمانى أسمة كونتيننتل بيركب للمتركس السير دة 105 سنة مش عارف السير اللى راكب دلوقتى بتاعى يكون كام سنة أصلا. وهل لان الموتور مختلف فى السعة يبقى مختلف فى السير. ولو قسنا على كدة يبقى سير الكاتية بتاع تيوتا يارس يبقى ينفع للعربية دى لان الماتور 1500 سى سى و 2 كاما زى ماتور اللافيتا ولكن اليارس16 صباب...
أعتقد تجار بورسعيد هيكون عندهم فكرة لان كتير منهم بيعمل صيانه للعربيات دى ويضبطها قبل البيع كتحلية للبضاعة وياريت الأستاذ حسام البورسعيدى يقدر يفدنا فى الامر. أو أى حد من الأعضاء الكرام يتفضل بالمشاركة بنصيحة..
|