[مهند سالم]

المشاركة الأصلية كتبت بواسطة meemee كلام مظبوط جدا ديه حقيقة لازم لما نتكلم نحط معايير للكلام وأولويات مش ست ورجل من حيث السن ونوع العربية واللي سايق ده بسوق بقله اد ايه يعني محترف / محترفة - جديد /جديدة في السواقة - خبرة ولا من غير سوا كان ست او رجل يعني الرجالة بتنزل من بطن امها عارفين السواقة طبعا لا القصة خبرة وممارسة في رجالة كبيرة في السن وبتسوق علي اداها وستات برضو كده لازم يكون في معايير للكلام

بما إن لازم يكون في معايير للكلام يبقى نتكلم بموضوعية:
كلام حضرتك صحيح إن في ستات فعلا بيعرفوا يسوقوا، وده فعلا حصل معايا، وأنا رايح الشغل في يوم سمعت حد بيكلكس لي، بصيت في المرايا زهلت، عربية أمريكاني تقريبا كابريس، عاملة زي الحوت، بس المشكلة مش في العربية، المشكلة إن كانت إلا سايقاها ست، ومش بس كدة دي عايزة كمان تطلع مني، وأنا سواقتي أصلا سريعة، وفعلا طلعت مني وما حصلتهاش لأن طبعا عربيتها تقريبا 3500 سي سي، وأنا عربيتي 1300، وهي برده كانت جرئية، والمشكلة برده إنها كانت مش صغيرة، يعني داخلة على الأربعين، ومعاها أولادها تقريبا بتوديهم المدرسة.
صحيح في ستات كويسين في السواقة، وقلبهم جامد، لكن القاعدة مش كدة.
القاعدة إن معظم الستات بيخافوا من الطريق، وبيتوتروا بسرعة، وبيتلخبطوا بسرعة، هو ده إلا إحنا بنتكلم عليه، معظم الرجالة قلبهم جامد على الطريق، وده بيديهم ثقة، أما الستات فالعكس.
هو ده إلا عامل الفرق إلا إحنا بنتكلم عليه، لو حضرتك مدققة في كلامنا هتلاحظي ده بدون أي عناء.
يعني بمعنى أصح العامل النفسي في المسألة دي له عامل الحسم، الإنسان الخواف المهزوز بيبقى أقل ثقة على الطريق وبالتالي بيتلخبط وبيعمل بلاوي.
وبرده على النقيض الإنسان الجريء أكثر من اللزوم برده بيعمل كوارث.
يعني الوسطية حلوة، يبقى قلبك جامد وكل حاجة لكن تعملي حساب المفاجآت وبلاوي الطرق، وأخطاء الناس، وشكرا