06-07-2009, 06:53 PM
|
|
|
تاريخ التسجيل: Oct 2008
الموقع: 6 أكتوبر .... المحافظه مش الكوبري
المشاركات: 4,721
|
|
رد: تقرير مفصل عن شيفرولية CRUZE (النسخة مصرية + صور)
المشاركة الأصلية كتبت بواسطة may once come true
ممكن تشرحلي ازاي ان احنا هنتاكد بعد مانجرب
ثم انا كنت في التوكيل وسئلتهم عن النقطة دي
وقلي ان عزمها شديد بس بصراحة انامفهمتش اية العلاقة لو ممكن
حد يشرحلي ويوضحلي
لاني نفسي اجبها وعايز اتاكد من كدة
|
هو موضوع العلاقه بين العزم و القوه ده مش سهل ... و محتاج حد متخصص يرد على حضرتك فيه ..
لكن كل اللي اقدر افيدك فيه بالنسبه للنقطه دي ...
إن العربيه منظومه متكامله ... الموضوع مش قوه موتور و عزم وبس
الوزن الاجمالي او نسبه القوه للوزن مهمه جدا
يعني مثلا الماتريكس و الفيرنا و الجيتس ليهم نفس الموتور .. لكن الماتريكس اتقلهم و بالتالي اقلهم في السرعه و التسارع بتاعها ابطاء
العزم بيفيد انه يوصل العربيه لقوتها بسلاسه ... علشان كده عربيات النقل عزمها عالي جدا علشان تستحمل الاوزان التقيله .... او مثلا لما تكون العربيه راكب فيها 4 او 5 ركاب و طالعه مطلع جامد ... العزم القوي بيساعد العربيه انها تطلع بسلاسه ..
لكن على حد علمي مش معنى العزم العالي ان العربيه يبقى تسارعها عالي (والله اعلم ) ...
لكن في حاجات تانيه كتير بتفرق في اداء العربيه
نسب التروس و نوع الفتيس
مقاس الكاوتش ..
عدد دورات الموتور اللي بتتحقق عندها القوه القصوى مهمه جدا
يعني مثلا عربيه بتحقق 100 حصان على 3000 دد ... و عربيه تانيه بتحقق 120 حصان على 4500 دد .... يبقى مين الاحسن فيهم ...
ممكن حضرتك تبص على الموضوع ده ...
هي معلومات بسيطه بشرح بسيط ... لكن ممكن توضح الفكره العامه ...
http://www.masrmotors.com/vb/showthread.php?t=3359
وفعلا زي ما قال لانسر ... التجربه هي اللي تقول اداء العربيه عامل ازاي ... خصوصا انها لسه جديده و محدش جربها ...
لأن مفيش حد يقدر يحكم على اداء عربيه من مواصفاتها الفنيه ... لكن بتكون مؤشر عام مش أكتر ...
__________________
من تواضع لله رفعه The ultimate car would be designed by Italians engineered by Germans built by Japanese &
|