معايا موديل ٢٠١٢
وان بستلم العربيه لاحظت ان بدال الفرامل محجر
قلت اشتكي في صيانه ال ١٠٠٠ كيلو في عصام صفا
قلولي يباشا الفرامل زي الفل والفرامل مختلفه في جين ٢
بعدها بعشره ايام ماشي عادي جدا وعلي سرعة ٦٠ بدوس فرامل ملقتش فرامل
)) وادوس بذياده ال ABS يشتغل والعربيه مبتقفش
طبعا حادثه كبيره ( كبوت واكصدام وفاونيس ورفرف شمال وصدر وريداتير وسربنتينه وطقم مراوح ووش ماتور واربة مايه وكل الحاجات الحلوة دي )
وكل ده العربيه مفتحتش اير باج للعلم
رحت التوكيل وقعدت اقول الحقوني الحقوني
طلعوني انا في الاخر مبعرفش اسوق وأن ان بيتهيئلي
طبعا ملقتش حل معاهم لاني لو هشكل لجنه هندسيه عشان اعرف العيب والعربيه وقفه كده مش هاخد لا حق ولا باطل
واتصلحت العربيه وبعد مرور كام يوم المشكله ظهرت تاني
روحت التوكيل وقلتلهم قلولي دي شويه تظبيط مش اكتر
قلتلهم ظبطو
وبعد كام يوم تاني نفس المشكله
رحت ثالث وقلولي دا هو ذياده
بعدها بردو تاني بكام يوم رجعت تاني المشكله الفرامل ضعيفه جدا
روحت بقي وانا عنيا بطق شرار واصريت بقي اعرف في ايه وكلمت مدير المبيعات والي ماسك الوكيل نفسه أ/ احمد عبد العزيز في عز العرب
وعرفت ان العربيه في عيب صناعه في ماستر عمومي وماستر خلفي يمين
الكارثه بقي انهم مش عايزين يغيرو العربيه وبيتفضو معايا علي كلام فارغ