[عمرو عبد الحميد الجندى]

النهارده وانا عند السمكري باصلح العربيه من اثار الخبطه اللعينه عشان بقي تبقي تاخد وش دوكو لقيت ولد من العيال اللي عنده بيقولي شايف العربيه الرينو كليو اللي هناك دي عربيه ورق قلت له قلت له عادي يعني مفيش جديد لقيت الولد بيقولي دي العربيه فيبر مش حديد قلت له انت هتشتغلني قعد يحلف لي انها من الفيبر قلت يا بني ما تلعبش ف عداد عمرك قالي طب روح شوفها رحت حطيت ايدي ع العربيه اول حاجه حطيت ايدي عليها الكبوت لقيته حديد رحت باصص له لسه باحط ايدي ع الرفرف الشمال لقيت الرفرف مكسووووووووووور خبطت بصباعي ع الرفرف لقيته بلاستيك فعلا رحت للرفرف اليمين مكنش مخبوط بس خبطت بصباعي عليه لقيته بلاستيك برده قلت يا نهار اسود العربيه فيبر فعلا المهم قلت للواد يا بني تلاقي العربيه مغيره الرفارف دي واسترخص ف الفلوس فجابهم ف فيبر قالي لا يا باشا العربيه دي اللي اعرفه عانها بدوكو بلادها قلت له انت والله ما انت عارف حاجه قالي طب الرفارف ممكن تبقي متغيره تعالي ع السقف خبطت بايدي علي السقف فيبر والله العظيم فيبر انا اتهبلت ساعتها ما هو مستحيل يكون مغير السقف كمان

وهنا هنطرح سؤال هو ايه اللي حصل ف طريقه اختيار المواطن المصري للسيارات عند شراءها يعني بعد ما كنا بنركب البيجو 504 والتويوتا كرسيدا اللي الواحده منهم لو دخلت ف عمود ضغط عالي تقسمه نصين دلوقتي بقينا نركب عربيات نصها تقريبا من الفيبر اعتقد فيه حاجه غلط والموضوع مش ان العربيات غليت لالالالا فيه ناس بتبقي معاها مبالغ تجيب عربيات محترمه ومشهود لها بالكفاءه ف كل دول العالم ويجيبوا حاجات ما بنسمعش عنها غير ف مصر هو ايه اللي حصللنا بالضبط
نقل هذا الموضوع من قسم الكليو للاستاذ احمد و ان اضيف كذلك ان الرفرف الشمال فى اللوجان فيبر و هذا الموضوع مطروحة للمناقشة فى منتدى اللوجان من حيث من لديه معلومات من مناطق الفيبر فى اللوجان : نرجو منه ان يوضحها لتجنب الاحتكاك و المحافظة عليها بقدر الامكان