رد: عرض خصومات ابوغالى (على المصنعيات وقطع الغيار)
مساء الخير يا جماعه الخير
انا مش عارفه صح انى اكتب موضوعى ده هنا والا كان المفروض اعمل موضوع جديد
بس انا عاوزه اتكلم للامانه وبس
اولا كل سنه وانتم طيبين وعيد سعيد علينا كلما ان شاء الله
الموضوع اسمه
(شهادة تقدير)
يوم فى مركز صيانه محترم
الموضوع
يوم الاحد اللى فات كلمت ابو غالى علشان احجز صيانه ال 5000 للعربيه بتاعتى
اللى ردت عليا واحده فى منتهى الادب والاحترام والصبر كمان
حددت معاها معاد ورحت تانى يوم ف المعاد بالضبط الساعه 10
قابلنى المهندس احمد
اكيد معظم اللى هنا عارفينه ذوق ذوق لاقصى درجه اخد منى العربيه وقاللى هتاخديها الساعه 1
ولان طلعلى شغل مهم يبت العربيه وقاللى هتستلميها من المهندس حاتم بعد الفطار
انا عارفه ان ناي هتقوللى ازاى تسيبى عربيتك وتمشى زى ما ناس كتير قالولى بي والله العظيم ودى شهاده حق اتحاسب عليها مفيش حاجه نقصت من العربيه خالص ز كنت ناسه فسها فلوس وسايبه على التابلوه وفى الشنطه حاجات كتيره قوى كل حاجه لقيتها مكانها زى ما سيبتها
ورحت الشغل والساعه 1 اتصل بيا المهندس احمد وقاللى عربيتك خلصت ممكن تاخديها لو تحبى بس انا مع الاسف كنت ف المهندسين
المهم الساعه 9 ونص بالليل رحت اخد العربيه وقابلنى المهندس حاتم اللى برضه اكيد معظمكم عارفينه وعارفين هو قد ايه ذوق وصبور حتى على حد جاهل زىى فى كل امور العربيات دى وسالته على حاجات كتير قوى وهو ما شاء الله فضل متحمل كل اسئلتى لغايه اما خلصتها كلها
بجد شكرت جزيلا للمهندس احمد وللمهندس حاتم ولكل الناس اللى ساعدونى انى اعرف مصر موتورز وابو غالى
نسيت اقولكم حاجه ز يمكن عادى ان مهندس الاستقبال يكون بشوش لان دى من مهام وظيفته لكن اللى مش عادى ان كل الناس هناك بشوشه وصبوره حتى العمال والاستاذ اللى فى الحسابات ز بصراحه وانا رايحه مكونتش عاوزه اقول انى من مصر موتورز علشان اشوف هل فيه فرق فى المعامله والا لاز لكن لقيت انه مفيش احسن من كده المحترم محترم مع كل الناس و ف كل وقت ز ده ميمنعش طبعا من انى اول ما قلت انى من مصر موتورز الترحاب زاد
عاوزه اشكركم كتير جدا وبجد لو بايدى اديكم شهاده تقدير
|