[ehab emgand7]

السلام عليكم ورحمه الله -----انا اشتريت العربيه الاسبوع اللى فات من معرض سمير اوتو ريان العربيه الخامات الداخليه ممتازة مقارنه بعربيات فى نفس السعر وحتى عربيات اغلى من كده والله نفس الخامات او احسن مقارنه بخامات ( الجين 2 او الفرنا او اللانوس او ام 11 ) انا كل دول مع صحابى المقربين يعنى بركبهم كل يوم وكلهم شافو عربيتى وقررو انها خامتها احسن --الامكانيات طبعا تكسب الام جراند7 -الشكل الخارجى والتقفيل ممتاز والله اللى يشفها ومش عارف الماركه يفتكرها عربيه من العربيات الغاليه قوى من كتر شياكتها -----رحت بيها بور سعيد وسحبها جيد جدا وثابته جدا --الصالون مش هاقولكم على وسعه وراحه كل اللى راكب يعنى كان معايا 4 قعدين مستريحيين وطفل كمان وكله كان قاعد مرتاح ----فى المجمل العربيه لحد دلوقتى جيد جدا ( والله انا فى رائي انها كل الفرق بينها وبين اللانسر هوة الماتور بس لو اتحط فيها ماتور اللانسر 1600 هتكون طلقه وتغلب عربيات اللى بتعدى 100 الف) -----والله انا مبسوط انى اشترتها ومش ندمان وانصح اللى متردد انه يتوكل على الله ويجبها واتوقع انها تاخد السوق كله زيى الفرنا وكمان سعرها هايغلى اكيد غبور مبيلعبش وداخل بتقله فى عربيه واثق انها تمام (اول مرة هاقلها فعلا شكرا غبور على التحفه ام جراند 7 انا راكب عربيه تمنها 115 الف بس دافع فيها حاجه وسبعين بس ) شكرا غبور