[محمد اشرف]

المشاركة الأصلية كتبت بواسطة Felefel Ahmed 100 100 يا أ/ محمد احب اضيف علشان الناس تستفيد - نور السياره يجب أن يكون علي السهاري وليس الواطي أو العالي (الواطي ارتفاع اضاءته بترض النور من الشبوره الي عين السائق) وتزيد من معاناه سائق السياره ألي أمامك - السير في صوره طابور يعني واحد في المقدمه والسيارات تمشي طابور وراه - الطابور بيمشي فى منتصف الطريق (الحاره ألي في النص) وبيكون خطين الحاره هما ميزان السير كذلك لو ماشي لوحدك - تسيب مسافه أقلها 5 الي 10 متر من ألي قدامك (حسب كثافه الشبوره والسرعه) - القياده فى الليل نفس الكلام بس بتدي رعشه نور عالي كل 100 الي 150 متر علشان حبايبي ألي بيمشو مضلمين خالص - الزينون ممنوع تماما لأن درجه أنعكاسه علي الشبوره عالي جدا بعكس الضوء الأصفر جزء منه بخترق الشبوره وجزء بينعكس , علشان كده كل اضاءه الشوارع صفراء - لو الفوجات صفراء شغلها بس لو زينون بلاش أرجوك - تشغل الأنتظار طول منتا ماشي أوعي تقفله علشان ألي وراك يشوفك لأن نور السياره الخلفى ضعيف ومش بيخترق الضباب زي الأصفر + الفلاشينج بتاع الأنتظار منبه أعلى من الأحمر الخلفى - لو أنت ألي ماشي فى المقدمه و عايز تفرمل بترعش على الفرامل ثم تفرمل وطبعا سرعتك بطيئه جدا أصلا - لو فيه عربيه نقل أو أي شئ وعايز تطلع من الحاره ألي فى النص الي أخرى يمين مثلا بتقفل الأنتظار وترعش فرامل وتدي اشاره يمين - لو انت ماشى فى نص الطابور نفس الأشاره أللي قدامك بيعملها تعملها انت كمان علشان المعلومه توصل للطابور كله (يعنى أللي قدام وجد تريلله في النصف ولازم فرامل بسيطه وانت عرفت من اشارته , أوعي تبخل بالمعلومه للي وراك ) بأختصار القياده الناجحه فى الشبوره هي التزام منك + التزام جماعي ومش عيب انك تركن علي جنب لو مش قادر تسوق فى الشبوره لأن السواقه فى الشبوره بتخلييك منتبه كتر من اللازم فممكن بعض الناس اعصابها مش بتستحمل طبعا المساحات تشغلها التكييف تشغله علي اقل حاجه وتعمله علي الهوايات علشان الجو خارج السياره ابرد من الداخل + نفس الركاب فى السياره هيعمل غيامه علي الزجاج . مع التكييف مش هيكون فيه مشكله ان شاء الله ملحوظه لو فيه بخار ميه من الداخل اوعي اوعي تمسحه بمنديل او بيدك (هيبقع علي الزجاج ألا لو معاك فوطه كويسه) مجرد فتحه تكييف ثوانى وهيروح

تسلم يا غالى على ردك والاضافه