[ياسرأبوعاصي]

عزيزي المحترم ..أخوك في الله اشتريت العربية بتاريخ 5-10-2011 خليجي من البحرين ..والحمد لله العربية بخير وزي الفل
اولا : العربية صناعة اليابان والصاج متين جدا مقارنة باي عربية كوري ...
ثانيا : الماتور 1500 سي سي .. قوي واستهلاك البنزين قليل جدا ... فيه قير (فتيس ) cvt وده على فكرة اكتر امان من الستبترونيك ..وانا عارفغ ناس كتير هتعارضني فيه ..لكن فعلا الستبترونيك أكتر عمالية لكن ال cvt أكثر أمان ...
أما إذا كنت بتركب تشيكي نفس السكودا او الماني نفس الباسات او البي ام دبليو او اي فئة اخرى الماني ..صعب جدا ان تقبل العربية ..لكن لو كنت بتركب كوري ..هتعرف قد ايه الراحة والامان والثبات في العربية الانسر ... ناس بتقولك العربية تقيلة وبطة بلدي وكلام زي كدة ..اصل اللي عايز يركبها عايزها تطير من اول لحظة مع ان العربية بتطلع تدريجيا حتى 60 كم ممكن تكون تقبلة - بس مش عارف هما بيفهموا يعني اي تقيل - بس بعد ال 60 كم العربية بسم الله ماشاء الله انطلاق غريب ..
ثالثا : العربيات الجديدة الكوري - كيا وهيونداي النتر افانتي - شكل جديد محدش يقدر يقول عليها حاجة بس اللى شايفه بعينى ان كيا عربية الحوادث الاولي لانها خفيفة وبتخدع اللي سايقها ..لكن التابلوه والميديا محدش يقدر يختلف عليها .
رابعا : تويوتا : عربية حقيرة بمعنى الكلمة بعد 2007 وخاصة الكرولا اللي بقت بلاستيك مليار في المئة وعربية شكلها بيتغير بعد 3 شهور من تاريخ السراء ..شكلها بيتغير يعني مبتبقاش كروز ..لا العربية بتبقي واقعة على الارض ...مهما تحافظ عليها لانها بلاستيك .
خامسا : قطع الغيار انا مستخدمتش لغاية دلوقتي اي قطع غيار لاني لو احتجت لحاجة هجيب من التوكيل هنا البحرين ...
وياريت تسأل اكتر وأكتر قبل ما تشتري وتأخد خبرة وعلى قد الفلوس تقدر تكييف نفسك