[حسام البورسعيدى]

بالنسبه للازاز الكهربا كل اللى هتعمله هتجيب اربع مكنات ازاز كهربا استيراد نضاف .. ممكن يعملو حوالى 150 الى 200 جنية الاربعه .. وتحاول توفق اى وحده زراير ازاز مع فرش الباب او تشوفلها مكان مناسب فى التابلوه او عند فرامل اليد .. وممكن تجيب زراير منفصله بتاعه ازاز ايهما انسب .. وتروح لبتاع الابواب يقفلك مكن الرفع الكهربا مكان العادى ويجربهولك بسلك خارجى ولما تتأكد ان الابعه شغالين حلو والازاز بيطلع وبينزل كويس وبسرعه وبيقفل كويس .تحاسبه وتطلع على الكهربائى يوصلك السلوك ويقفلك مكان الزراير وابقى أكد عليه يعملهملك على الكونتاكت زى الفبريكه (يعنى الازاز ما يشتغلش الا وانت فاتح الكونتاكت) .. ولو عندك جهاز انذاز ابقى هات وحدتين رفع وركبهم بالمره علشان لما تقفل العربيه بالريموت الازاز يطلع لوحده ...


اما بالنسبه للنور الضعيف .. ممكن تجيب لمبتين المانى اللى هما 200 / 120 (تقريبا على ما اذكر) هو الكهربائى عموما عارفهم اكيد .. ودول سعرهم حوالى 55 جنيه .. وتروح تعمل كتاوت تقويه للنور وتركبهم .. الحوار ده هيكلفك فى حدود 120 جنية بالمصنعيه بس هتلاقى فرق كبير فى الاضائة ..

وممكن تركب زينون تكه واحده فى النور الواطى بس بيعمل حوالى 270 جنية .. وحوالى 30 جنيه تركيب ...

يا رب اكون قدرت افيدك ...