السلام عليكم ورحمة الله وبركاته
البطارية عندى سائلة تركية الصنع جاءت مع السيارة
مضى عليها حوالى سنة ونصف لان السيارة فيرنا موديل 2011 زيرو
البطارية بحمد الله تعمل بحالة ممتازة
انا زودتها ماء مقطر بعد حوالى تسعة اشهر
وانا محتار ..بصراحة بين التوكيل اللى باتابع معاه الصيانة فى السويس وبين بائعى البطاريات ومستلزماتها
انا سالت مهندس التوكيل عند صيانة الالف كيلو ماذا افعل مع البطارية وهل المفروض اكشف عن المياه فيها كل شهر..فوجئت به يقول لى
سيب البطارية زى ماهى مادام شغالة معاك كويس موش لازم تكشف عليها
بصراحة انا مااخدتش بكلامه لانى وجدت البطارية تحتاج لمياه وكملتها بعد تسعة شهور استعمال
صديق لى اهدانى هيدروميتر لقياس مياه البطارية لانه اشترى بطارية جافه
سالته عن طريقة استعماله قالى اسحب المياه بالجهاز واذا كانت العوامة على اللون الاخضر يبقى كثافة الميه تمام
واذا كانت على الاحمر زود 30 واذا كانت على الابيض زود ميه مقطرة
نفس الكلام قاله ليا بائع البطاريات وانا باشترى منه ميه النار 30منذ اسبوع
بس قالى اسحب جزء من المياه القديمةفى البطارية واستبدله بماء 30
لغاية ماتوصل للعلامة الخضراء وحاولت اعمل كده لكن لم اصل للنتيجة المطلوبة
وكانت العوامة بين الابيض والاحمرفى كل الخلايا
ويظهر انى عكيت الدنيا
بس انا استخدمت زجاجة واحدة من ماء 30
ولكن البطارية تعمل بحالة جيدة بعد اسبوع من اللى عملته مؤخرا
ياترى ايه الصح فكل ماسيق....؟
واكيد فيه فائدة للتدريج الموجود على الهيروميتر
بس احنا بنحب نفتى فى كل حاجة ونبعد عن الصح
ياريت لوسمحتم من عنده خبرة ومعلومة صح يقول ايه الصح فى التعامل مع
البطارية وصيانتها الدورية للمحافظة على كفائتها وقوة ادائها دون التسبب باتلافها
وكيفية استخدام الهيدروميتر فى ضبط كثافة ماء البطارية
ليستفيد جميع الاعضاء الاعزاء فى منتدانا الرائع
ولكم منى جزيل الشكر والامنتنان
