24-01-2013, 09:57 PM
|
|
هواياتي: Kung Fu - Reading
|
|
تاريخ التسجيل: Nov 2011
الموقع: القاهرة
المشاركات: 1,488
|
|
رد: هل من العيب ان تغسل سيارتك بنفسك ؟؟؟؟؟؟
تجربتى المريرة مع غسيل السيارة
كنت كل أسبوع أطّلع خرطوم المياه و أغسل العربية من الخارج و من تحت (على قدر ما أستطيع) و الصالون و الدواسات و .....
و جيت فى يوم (ما لوش لون) و قولت أغسلها فى المغسلة , و بالمرة أغسل الحوض و الموتور
....................
أكيد عرفتوا إللى حصل.........
أيوه ..... أبلاتين و كوندنسر و طقم بوجيهات لأن الخبير المحترف إللى كان بيغسل كسّل يجيب كيس يغطى بيه الإسبراتير و طبعاً العربية عطلت و قضيت اليوم كله فى الشارع.
و الجميل فى الموضوع أنه مغسلش العربية من برة و لا الصالون, يعنى غسل الحوض (قصدى بوظ الكهرباء بس), و قاللى مش هينفع أغسلها النهارده.
طبعاً كنت هأوقف حاله زى ما وقف حالى و مش هأدخل أى عربية غير لما العربية تتشتغل. و بعدين قولت منه لله , و رضيت أنهم يزقوها بره.
و بعد كده بكل بجاحه جاى بيقولى (الحساب و الشاى بتاعنا) 
من ساعتها قولت مش هنضف أكتر من البرابريز اللى أدامى بس بس بس
و باقى العربية طظظظظظظظظظ.
(لو حد قابل عربية ماشية فى الشارع لونها ؟؟؟؟؟؟ و جواها واحد قرفان يبقى أنا) 
|