رد: مشكله صوت في المحرك عند الصباح
انا قريت الرابط و فعلا مركز الرائد تحليله صح
الماتور عندك vvt يعنى توقيت فتح و قفل صمامات الدخول و العادم متغيرة على حسب ال rpm
و التحكم فى التوقيت بيبقى من خلال تعديل بسيط فى وضع زاوية الكامات بالنسبة لعامود الكامات طبعا وضع الزاويه ده اسمه phase و تغيره اسمه dephase فعلشان كده سموا المنظومة dephaser
الشكل الى بيبين المنظومة فى عامودين كامة ( رقم 3 واحد من العامودين ) بترسين كامة ترس منهم الى هو اليمين ( رقم 2 ) فى قلبه يوجد منظومة هيدروليكية معقدة ( رقم 1 ) بتعتمد على اتجاه دخول ضغط الزيت من خلال سولونويد فالف ( رقم 4 ) واضح ان الفالف ده كهرباء و على حسب الاشارة الى حتجيله من الكنترول حياخد وضع من اتنين
يا وضع يخلى ضغط الزيت يمشى فى الاتجاه المحدد بالون الاحمر و كده قلب الترس حيقدم ال phase بتاع الكامات بالنسبة للترس و العامود ( كده الى انا فاهمه ان العامود التانى مبيتغيرش فيه حاجة و الله اعلم )
الوضع التانى الى هو اللون البنى تقريبا حيدخله ضغط زيت و ياخر
فلو السولونويد فالف بايظ العربية حتلخبط طول الوقت
فاحتمال المشكلة عندك فى ترس ال dephaser بس لسة فى بدايتها فبتخلى وضع الكامات مش مظبوط مع ال rpm فى بداية الادارة بس على طول بتظبط و الصوت يروح
و تفسيرى و الله اعلم ان الصوت ده بسبب ان صمامات العادم بتبقى فتحة حتة صغيرة و هى المفروض تبقى قافلة فده صوت التهريب بتاع الكبس
فبالتالى مفيش ضرر حالى و الله اعلم
طبعا فايدة المنظومة انها بتخرج اقصى عزم للماتور على ال rpm القليل و المتوسط و العالى اما المواتير الى مفيهاش الحكاية دى فتطلع اقصى عزم عند rpm متوسط فقط
و فى ردود من الرابط بتقول ان فى واحد شال الحكاية دى و خلها كامات ثابتة بس طبعا ده حل غير مرضى
و يا ريت لو مركز الرائد يساعدنا بالرأى
__________________
سبحانك لا علم لنا الا ما علمتنا
|