[ahmed el gendy]

طالما العربيه تحمل علامه تويوتا يبقي ده الدنيا وما فيها وتبقي عربيه جامده جدااا العيب الوحيد اللي انا شايفه فيها ويتميز فيه الموديل اللي قبلها عنه انها ضيقه من جوه ايوه ضيقه من جوه عكس اللي معايا ال 93 يركب 3 مستريحين جدااا وره بس طبعا الاتنين واطيين ع الارض يعني لو ركب واحد بس ورا هتحك ف المطبات بغبااااء
انا شفت واحده تقريبا 98 كانت كاربيراتير وقاعده اي عربيه كاربيراتير يتحط لها بنزين 80 عادي جدااا واي عربيه انجكشن يتحط لها بنزين 90 ع الاقل عشان الرشاشات
بالنسبه للشكل اللي من 92 لحد 97 اغلبه كاربيراتير واي عربيه هتلاقيها انجكشن مسقط موتور واغلبه 1300 سي سي وفيه ناس معاها 1600 حاجه من اتنين يا هي كانت 1300 وسقط موتور 1600 وف الحاله دي العفشه غالبا مغيرهاش يا اما هي 1600 من المصنع وف الحاله دي فيه حاجات ف العفشه مش هتلاقيها زي التنابير لان عفشه 1300 مختلفه عن عفشه 1600 واغلب الشائع 1300
وفيه مواتير 1500 ف بعض العربيات دي ابعد عنها خاااالص الموتور ده نادر ومش هتلاقي له قطع غيار
ده ف الشكل من 92 لحد 97 مش عارف العيون نفس الموتور ولا انجكشن
وفعلا التويوتا العيون اتظلمت جدااا ف مصر والناس مش بتقبل عليها ف حين انها بتقبل ع الاشكال اللي بعدها او اللي قبلها لكن عيون بيبعدوا شويه
حاجه اخيره اي عربيه تويوتا كورولا بتجيب 150 و 160 مستريحه جداااا وبتكون ثابته جدااا جدااا انا اغلب تنقلي بالعربيه بيكون ف قلب البلد لكن صدقوني مجرد ما مشيت ع الصحراوي اتفاجئت انها بتجيب 160 لوحدها ومش باكون حاسس انها جابت 160 غير من العدادات بس