رد: تتصرف ازاى لو عملت حادثة ؟
- هو فيه نوعين من الحوادث:
اولا: تصادم سياره بسياره:-
1- فى حاله لو كنت انت غلطان: تنزل من العربيه وتتاكد ان قافل كل الزجاج والمفتاح فى جيبك ,وتتكلم فقط من صاحب العربيه التانيه وسيبك من الناس والتجمهر علشان فيه تتلم وتعمل فيها محللين سلامه وطرق ..صاحب السياره اللى حضرتك خبطها فى الاول تتطمن عليه وتتاكد انه سليم بعد كده تقيم الاضرار ..ازاى مثلا مش حضرتك تخبط رفرف 128 وصاحبها يقولك عايز 500 جنيه !! لو صاحب العربيه اتكلم معاك فى فلوس تقوله تعالى وانا اصلحها لحضرتك.. لو العربيه جديده تعرض عليه تروح التوكيل وتشوف التامين وانت تشيل جزء ولازم لازم تكون هاااااااااااادئ علشان انت اللى غلطان ولبست الليله يامعلم .. لو صاحب العربيه طلع قليل الادب ,اوعى تفتح بقك وانت واقف اطلب الشرطه وخلاص ..
2- فى حاله لو انت اللى مخبوط "يعنى وقع عليك الضرر" ...اوعى بقى من الناس اللى بتتلم وبيقولك ربنا يعوض عليك -خلاص اتوكل على الله - انت هتقبل العوض..... طبعا تقبل العوض "ان الله يحب ان تؤتا رخصه كما تؤتا فرائضه".... وسيدنا محمد قال : من اتلف شئ فعليه اصلاحه.... اول حاجه تعملها تكلم حد صاحبك ويجيب صنايعى علشان تقدر الخسائر ..وعلشان متكونش لوحدك والناس تتكاتر عليك ومش تعرف تاخد حقك ..واوعى تاخد اكتر من حقك ولا اقل من حقك علشان ربنا يبارك فى الحاجه.... ولو انت مسامح برضه حاجه بتاعتك
ثانيا :لو حادث تصادم سياره بشخص..
-لو حضرتك خبط شخص بالعربيه اوعى اوعى اوعى تركب ناس معاك العربيه "علشان النمره دى بتحصل دلوقتى ,واحد يترمى عليك وانت سايق وفجاءه يطلعلك ناس يتلمو عليك ويركبو قال ايه هيروحو معاك المستشفى وفى الطريق يقلبوك" لا انت تشوف المصاب لو حالته تستدعى الذهاب للمستشفى تنقى واحد يكون شكله محترم شاب صغير او راجل كبييير اوى واحد فقط وتروح المستشفى وتعمل اللازم وطبعا فكك من اى مستشفى حكومه هيقولك مذكره ومحضر شرطه واثبات حاله وحوارت ..اى مركز طبى خاص قريب مش هتغرم كتيير ...واوعى تعرض فلوس على المصاب فى الشارع علشان فيه ناس بتنتهز الفرصه .. وربنا يستر على الناس
|