رد: انا صاحب سياره شفروليه افيو2008
أولا العربية جميلة جدا ربنا يخليهالك.
ثانيا: لو عايز DVD الأمكانيات بتتراوح من شماسة فيها DVD ومعاها دراعات فيديو جيمز ومكان للفلاشة وهكذا وسعرها فى حدود 600 الى 500 جنيه.
وممكن تجيب كاسيت FLIP OUT اللى الشاشة بتطلع لبره من الكاسيت وده غالى جدا وصعب تلاقيه, وممكن تلاقيه فى توكيل لسونى أو بايونيير وسعره بيعدى 1000 أن مكانش 2000.
طقم الصوت: بداية تغيير الكاسيت مش هيفرق فى حاجة غير الشكل والأمكانيات, ومالهوش لازمة من وجهة نظرى.
هتجيب سماعات بيضاوى بايونيير أو كينوود بحوالى 350 للجوز, البايونيير بيتميز بالTREBLE والكينوود بال BASS.
هتجيب صب ب 350 برضه أو بازوكا ب600, الفرق أن الصب هتحتاج صندوق وتركيب, البازوكا تقدر تقول هتتركب بسرعة, والأثنين هيحتاجوا أمبليفاير برضه فى حدود 350 الى 450 جنيه.
والسماعات برضه هتحتاج أمبليفاير علشان تطلع أحسن قدرة ليها.
وصعب حد يشرح الصوتيات فى كومنت, أنت بتروح لمحل كبير وتختار من عنده اللى أنت عايزه لو فاهم, أو بتقوله طلباتك وهو بيلبى.
الفوجات متهيألى بتتباع عند محلات قطع الغيار والأكسسوارات والكهربائى هو اللى بيركبها.
وأنا أسف أنا مش من السويس فمعرفش حد هناك.
|