المشاركة الأصلية كتبت بواسطة depo
استاذي القصة مش قصة قفص يحمي السائق او لا القصة ستر من عند ربنا ودي حاجة ولا انا ولا انت نقدر ندخل فيها ومع احترامي ليك انت ملكش حق انك تكذبني علشان مستحيل اقول كده علي نفسي من غير مايكون في حاجة وثانيا مش العربية الي فيها قفص لحماية السائق زاي ماقولت ستر ربنا اني اتقلبت خارج الطريق علي الرمال ودي ارحمل من الاسفلت كنت اتعجنت طبعا والحمدلله علي كل شئ وثالثا انا ماتفرقش معايا العربية ولا الف زايها انا بحمد ربنا اني طلعت منها بس كل واحد فينا لو حس انو مضحوك عليه مش هايسكت انا اوك معترف اني غلطان بس بردو مش هاسكت علي عيوب العربية دي وهافضل اقول وانا مش اول واحد اشتكي منها وهاوصلها لابعد حد ممكن مع احترامي لحبك ليها
|
انا مصدقك ودة امر وارد لكن العربية قلبت لية اية الاسباب ؟؟ وارد زى ما قلت لو مرسيدس او بى ام دبليو او حتى اامن عربية فى العالم ساب او فولفو لان زى ما قلت كل وسائل الحماية والامان والقفص كل دة فى حدود سرعة معينة وبعد كدة كل سنة وانت طيب علما ان كيا تحوز كل عام على خمس نجوم فى اختبارات الامات المختلفة ولمعظم موديلاتها متخطية الكثير من السيارات الاوروبية واليابانية
فى سبب اكيد !!
وسائل الامان زى ما قلت انساها لو كنت بتجرى جامد او شوية فوق المتوسط مالهاش فعالية بالشكل المتخيل او المفهوم الخاطىء من بعض الناس
الوسيله الوحيدة علشان الوسائل دى كلها تكون فعاله انة يتم غلق السرعة وتكون محددة ب 80
طيب والله العظيم والله العظيم عندنا فى الشركة السرعة محددة ب 80 على الطرق السريعة وفى محدد سرعة وصندوق اسود وكل شىء مراقب ورغم كدة والله حوادث وفاه بتحصل عندنا وعلى السرعات دى لسة سائق ومساعد متوفين من اربع شهور
ومن شهرين عربية قلبت ودخلت فى كوبرى او جسر واتقلبت على عربية تانية
انا بشتغل فى المجال دة وضمن مهام عملى كتابة تقارير الحوادث وفتح السرعة واغلاقها
شوف رغم الاجراءات المشددة والمراقبة والمتابعة الخ الا الحوادث لسة متواجدة
وتقريبا
من ضمن خبرتى المتواضعة معظم الحوادث ناتج عن العامل البشرى وسوء تقدير الموقف وردة الفعل الخاطئة الخ
واخطاء فنية تقريبا قليلة
وكل يوم فى حاجة اسمها سيفتى ميتنج لازم ادية للناس لكن فى مواجهة المصاعب ردة فعل العامل البشرى خصوصا احنا كعرب فعلا مش مفهوم ؟!!!!!!!!!!!
ربنا يسلمك ويسلم جميع الناس والضامن هو ربنا
كن يقظا ...... تصل سالما
ملاحظة بس من غير ما تزعل انا حاسيس انك كنت زى باقى الناس والعربية طمعتك تاخد منها شغل عالى ودى النتيجة صح عايز اقولك نصيحة بالنسبة للكيا والتويوتا وكل العربيات
متردش على كلام اى حد دى عربيات للركوب وادة للانتقال من مكان الى اخر الهدف منها اداء اقتصادى فى حدود المعقول وامن لا اكثر ولا اقل هى ليست سوبر او سيارة رياضية ربما مظهر رياضى لكنها مش بورش ولا بى ام هى سيارى سيدان متوسطة اقتصادية ذات توجية وسحب جميل وبارع وناعم وخلاص متفكرش بعد كدة باى مغامرة لا فيها ولا فى اى سيارة سيدان ولك منى فائق الشكر والاحترام ودمت سالما