[تامين سيارات]

المشاركة الأصلية كتبت بواسطة titoes السلام عليكم أعضاء المنتدى الكرام انا ان شاء الله قررت شراء هيونداي النترا ب 132 الف وأرجو من سيادتكم افادتى بالمعلومات عن شركات التأمين التكافلي( التأمين الاسلامي ) وثاق المصرية للتأمين التكافلي نايل تكافل بيت التأمين المصري السعودي وأرجو افادتى بتقيمكم لتلك الشركات وأرجو بيان المعلومات الأتية للشركات السابقة: * قيمه القسط ؟ * نوع التغطيه ؟ * نسبه التحمل ؟ * نسبه الاهلاك ؟ * طريقه صرف قيمه التأمين ؟ * المسؤليه المدنيه ؟ * نسبه الاهلاك الكلى ؟ * خصم صيانه التوكيل ؟ * الحد الاقصى للتحمل دون محضر ؟ عدم وجود تكلفة للاخطار معدل اهلاك قطع الغيار عدم وجود نسبة تحمل عند تكرار المطالبة وجود ونش نسبة الهلاك الكلى الشيك بعد اد ايه معاينة الحادث بعد كام ساعة وجود ورشه للتصليح تتبع الشركه بدون تحمل و بتحمل ولو فى اى عرض مميز او خصومات ياريت نعرف وهل لابد من التأمين بنفس سعر العربية 132 الف وهل يمكن الإستفادة من التأمين في الصيانات الدورية في التوكيل (1000-5000-......) ولكم جزيل الشكر

السلام عليكم الف مبروك على السياره اولا

احب اقول لحضرتك ان شركات التامين التكافلى مش هاتفرق كتير عن الشركات الاخرى لان يوجد لائحه تنظيميه لكل شركه غير قانون الهيئه العامه و هارد عليك على كل نقطه

1- اقوى هذه الشركات بيت التامين المصرى السعودى
2- قيمه التامين حسب كل شركه مثال بيت التامين بدون تحمل 4.25 % و 3.5% بتحمل 4 فى الالف ((( و تتفاوت الاسعار بين 3.75% الى 4.25% لهذه الشركات ))))
3- نوع التغطيه فى الجميع السرقه الحريق الحادث
4- نسبه التحمل 4 فى الالف و هذه اختياريه زى ماتحب
5- الاهلاك 10% لقطع الغيار فى موديل السنه و ترتفع النسبه كلما تقادمت السياره
6- بتدفع فى اى مركز صيانه و تجيب فواتير تسلمها فى الشركه مع التالف و بيطلع شيك فى خلال 3 اسابيع
7- المسئوليه المدنيه بقسط اضافى لمبلغ 10.000 جنيه
8- فى حاله الاصلاح فى التوكيل بيتم خصم 10% من قيمه الفاتوره المسدده و يضاف اليها التحمل 4 فى الالف اذا كنت مختاره
9- الحد الاقصى للمحضر 5000 جنيه
10- نسبه التحمل موجوده فى كل حادث لا تزول
11- لا يوجد ونش
12- الهلاك الكلى 50% و حد الاصلاح 40%
13- فى حاله الحادث لا بد من ابلاغ الشركه فى خلال 72 ساعه من تاريخ الحادث خصوصا لو مثبت الوقت فى محضر شرطه ( المعاينه فى اليوم الثانى او الثالث على اقصى تقدير )
14-لابد من التامين بكامل قيمه السياره للاستفاده من التامين و الا تدخل فى شرط النسبيه ( خراب بيوت)
15- لا يمكن الاستفاده من التامين فى الصيانات الدوريه هذه غير مغطاه او سوء الاستخدام
16- بالنسبه للخصومات ماتدورش عليها هاتبقى على حساب الخدمه
مع التجربه انا تعاملت مع جميع شركات التامين بيت التامين افضل بكثير و لى تعامل معاهم افضل بنسبه عن باقى شركات التامين التكافلى

يوجد بعض المراكز و التوكيلات تتعامل معهم احتفظ بها و بتعامل معهم فى شغل مع الشركه


تحت امرك فى اى استفسار

عمرو احمد
مستشار تامين
قناه السويس للتامين
01142994430--01282424793--01003388954