[مهند سالم]

أنا نفسي أعرف يا جماعة فين التركيز إزاي سلمتم إن الفيديوهات دي سليمة بالبساطة دي، والله حاجة تزعل يا رجالة:
أولا الفيديو بتاع الفيراري ده إعلان سجائر واضح جدا، يعني فيديو متفبرك زي معظم الفيديوهات إلا الستات بيستشهدوا بيها.
ثانيا الفيديوهات بتاعى المانع الأرضي إلا بيظهر فجأة ده لا يعيب أي سواق؛ لأنه متداري في العربية إلا قدامه وبيتفاجئ بيه بعد مرور السيارة الأولى، وده ممكن أي حد يقع فيه، والمفروض إنه يبقى فيه إشارة قبل المانع بحيث السواق ياخد باله، مش يبقى ماشي وفجأة المانع يظهر قدامه زي القضا المستعجل. فهذا الأمر لا يعيب أي سواق سواء كان راجل أو ست.
والفيديو بتاع الراجل البدين ده أنا مش فاهم منه حاجة، واحد قاعد في عربيته وقدامه كاميرا وفجأة بيطير جوة العربية، حاجة غير مفهومة والأرجح إنه إعلان برده كالعادة.
أما الفيديو الأخير فده واحد متهور سخيف ، ساب عجلة القيادة نهائيا وطلع فوق العربية، وده لا يدل على إنه ما بيعرفش يسوق، لكن يدل إنه مجنون، وإحنا ما بننفيش إنه فيه رجالة مجانين، بس بنرجح في العادة إنه في واحدة جننته. يعني برده هو ضحية امرأة، ربنا يشفيه.
فكل هذه الفيديوهات مردود عليها، ولا نسلم بها مطلقا. أما الفيديوهات التي توضح طريقة سياقة النساء فهي فيديوهات حقيقية غير مفبركة وبتدل دلالة واضحة ناصعة البياض، كأنها مغسولة بسافو.