[QUOTE=michohat;384993]
المشاركة الأصلية كتبت بواسطة sad-bird
يبان عند الاثنين يا باشا
انت بترصص عند شيبوب
صح
وممكن تعدي على اي واحد تاني بتاع كاوتش تقوله ظبط الهواء وتسأله عامل ايه لو فيها حاجة هيقولك عليها
ايوه برصص عند شيبوب لو فاضي ومش زحمه ولو زحمه برصص عند المهندسين اللى على ناصيه شارع وادي النيل من عند طريق الزرقيه
بس مش عاوز اروح ارصص دلوقت علشان انا شاكك ان فى عندي 3 فرد بايظين فكده هيكون الترصيص مش هينفع
[/]
|
أفضل واحد يرصص هو شيبوب
اوصل هناك وخلي اي حد منهم يبصلك على الكاوتش
واصلا هما محترمين من قبل ما يرصص أو يظبط زوايا هيقولك الكاوتش فيه حاجة او العفشة فيها حاجة روح اعملها الأول وتعالى
وممكن بتاع الكاوتش اللي بعد اول وادي النيل وانت طالع على الزراعة يبصلك عليه
على فكرة المهندسين اللي في وادي النيل مش هتعرف تدخله علشان الحفر بتاع الكوبري قفل الطريق على كل الورش اللي هناك
[QUOTE=michohat;384993]
المشاركة الأصلية كتبت بواسطة sad-bird
اخبار العربية معاك ايه بعد تظبط الكورونا
الحمد لله مفيش مفيش صوت زي ما كنت متعود الاول
شغاله ازاي
استهلاك البنزين عامل ايه داخل البلد وخارجها
بقي لي فتره مش عملت ليها معايره النهارده رحت اعمل صيانه للكربراتير وقولت افتح العين التانيه علشان العربية تاخد راحتها لقيت الميكانيكي اللى كان قافلها اخر مره قافلها بلحام معجون حديد ف خدت الكربراتير لخراط الكربراتير وان شاء الله استلمه منه بليل
استهلاك الزيت
بستخدم زيت اسو ( الجركن الرصاصي ) وبغيره كل 1000 (المفروض ) من ساعه ما بدئت تاكل زيت وانا بزود عن الالف وصلتها مره ل 1500 وغيرته
معيار النقص متفاوت حسب المرات اللى بغير فيها يعنى مره نص لتر ومره ثلاث ارباع لتر ( بكتير اوي 1500 كيلو )
اخبار البوجيهات ايه
لسه مغير بوجيهات من فتره شهر او شهرين و كان حرقهم كويس ومفيش عليهم زيت
اخبار الدخان من الشكمان ايه
مفيش دخنه من الشكمان الدخان اللى شايفه طالع بس من خرطوم الفايظ
اخبار الدوراه ايه
الحمد لله من اول مره بس الايام الاخيره كانت محتاجه تظبيط كهرباء ومسمار الكهرباء كان قافش علشان كده حلين الكربراتير و بعمل فيه شغل دلوقت
اعتبر اول مشاركة دي ليك كأن لك تكن
وقول حال العربية ايه دلوقتي والناس هتفيدك وترد عليك بالمشورة
وانا من رأيي شوف حد غير الميكانيكي ده لانه واضح انه عارفك وعاوز يستغلك
انا غيرت اكتر من ميكانيكي لحد ما استقريت على ده وكلهم كانوا بيقولوا المكنه خفيفه وبتاكل زيت ( بخر الفايظ )
اعمل ورقة وقسمها جدول وحط فيها عداد الكيلو
البنزين
مون بنزين للزور واطلععلى الصحراوي وارجع مون من نفس البنزينة وشوف انت مونت كام لتر واحسب عدد الكيلو خارج المدينة
طبعا انت فولت امشي بيها مشاويرك العادية جوه البلد يومين وفول وشوف انت عملت كام كيلو داخل البلد
الزيت
مع الغيار الجاي نزله كله وغير الفلتر وحط زيت جديد وفلتر جديد وامشي بيها لما توصل 1000 كيلو شوف الزيت بينقص قد ايه
انا ملاحظ ان معدل نقصان الزيت بعد 1000 كيلو بيكون اعلى يعنى لو العربية عامله 750 مش بيكون ناقص قوي[/]
|
طيب اصبر بقى لما يفيدك اصحاب الخبرة الكبار خصوصا اخونا الكبير المهندس سمير
انا غلبان ياعم وعلى قدي الفتاوي بتاعتي صغيرة
لأن كلامك يوحي بان العربية مفيهاش مشاكل
وفي نفس الوقت بتقول ان الميكانيكية قالو ان العربية مفوتة
واللي اعرفه انها لو مفوته هتلاقي دخانه قاااااااااااد كده طالعه من الشكمان
ولو خفيفة
اظن ... اظن (
واخد بالك من اظن دي لحسن تلبسني مصيبة وتقول انا اللي قلتلك ) انك ممكن تحطلها زيت تقيل او زيت شنبر مع غيار الزيت وتمشي بيها شوية