المشاركة الأصلية كتبت بواسطة وائل محمد
ياأخي بارك الله فيك لا تخلط بين البيع والربا والله عزوجل يقول (وأحل الله البيع وحرم الربا)فكل مسألة لها صورتها في الحل والحرمة ولا شك في أن البنوك الموجودة الأن أسست علي الربا سواء كان قروض ربويه أو بيوع ربويه أيضا قائمة علي التحايل علي الربا فطوبي لمن عصمه الله من أكل الربا أو التعامل به في هذا العصر الذي أنتشرفيه الربا أنتشار النار في الحطب وهذا من ضعف الدين وعدم تعظيم الناس لأمر الله سبحانة وتعالي وفي مشاركة أخري ياتيك بعض وعيد من أكل الربا أو تعامل به والسلام عليكم
|
استاذ وائل ,,, اولا انا متشكر لاهتمامك جداً ...
ثانيا ,,, الرد ,,,
انا من و انا صغير ( و لازلت صغير بالنسبة لاغلب الاعضاء سناً ) و علموني ان ربنا سبحانه و تعالي لما حرم علينا حاجات فهى ليست حرام علينا عبثاً او ارهاقا لينا ,,, لا كل حاجة حرام هي حرام علشان فيها اذى للنفس و للناس و المجتمع ...
من هنا اتعلمت اننا لما نبعد عن الخطأ يبقي بعدنا العقاب ,,,
و زي ما قلت في اول الموضوع ده كان كلام مفتى الجمهورية ,,, يعني راجل علمه اكتر مني بكتير ,,, و بصراحة زي ما قلت شوفت ان كلامه منطقي ... لانه بعد عن سبب تحريم الربا و هو استغلال حوائج الناس ...
يعني ازاي مثلا واحد مريض و محتاج يعمل عملية اديله فلوس العملية و اخدها منه و عليها و لو قرش زيادة ... ده يبقي اسمه استغلال ...
انما واحد مش مضطر ... و بيزود رأس ماله ( و دي نقطة الموضوع ) اعتقد ان ده يدخل في شكل الاستثمار (انا كلية تجارة ) . من هنا بياخد جزء من المكسب ,,, و اعترضت علي النسبة الثابته علي الكل لان فيها ظلم لان المفروض النسبة تكون من الارباح ده في الاصول المنتجة ,,, و تكون نسبة قليلة اوي في الغير منتجة = قدر انتفاع ,,, و البنك يقسم الفلوس اللي عنده و يستثمر جزء كده و جزء كده بحيث يعمل توازن في النسبة اللي بياخدها المودع اصلا ,,, يبقي كأنك لما تحط 1000 جنيه مثلا واحد بيفتح شركة ياخد 400 جنيه و تاخد نسبة من ارباحه و هتكون كويسة ,,, و واحد تاني عايز يشتري اصل غير منتج ياخد 400 جنيه و تاخد نسبة قليلة . و يفضل 200 جنيه اللي هي ال 20% السيولة المفروضة علي البنوك.
ما علينا بالمثال مش ده اللي عايز افهمه
المشكلة ان كل ما حد بيرد عليا ما بيفهمنيش ,,, يعني زي رد حضرتك بالظبط ,,, يقولي ما تخلطش ما بينهم و بس ... مش بيفهمني انه لا يوجد فرق بين واحد اخد فلوس اشتري بيها حاجة زيادة زود بيها رأس ماله و يقدر يبيعها في اي وقت ,,, و واحد تاني بياخد الفلوس بيصرفها علي حاجات اساسية مش هيقدر يبيعها اويزود بيها رأس ماله .
يعني الاتنين زي بعض ؟!