[ahmed-alaa]

المشاركة الأصلية كتبت بواسطة AboNoRa مهو بصراحة نسبة كبيرة من الناس هتشوف الموضوع وتكتئب وتسكت خاصة ان الواضح ان العربية عاجبة ناس ووناس تانية مش طايقا شكلها فهيبقى فيه تباين اراء كتير واختلاف بس بدام مصمم نشارك خد عندك يا سيدى اولاً شركة الامل للتجارة المهلبية مش اسواء وابشع التوكيلات فى المجموعة الشمسية ان لم يكن فى المجرة كلها ومش عايز اقول فى الكون كله علشان مبقاش بعمم ثانياً العربية فضيحة على مستوى التصميم الشكلى سواء خارجياً او داخلياً شكلها من قدام نوبيراً والبودى هو البودى الافعوانى اللولبى او دورين بتاع 2010 البائسة ومن وره شبه المازدا 323 موديلات 2000 بالملى ومن جوه زى ما تفضل الاخ مادا وقال هلال ونجمة خالص كل ده عادى مش مشكلة بس اللى جابلى اكتئاب فعلا ان العربية ديه المفروض من 2005 فلما تنزلنا فى 2010 على انها عربية جديدة بجد تبقى حاجة تحزن انا قولت السى كروس ولا 2116 هى اللى نزلت ولا حاجة جديدة تنباء عن اثار اندماج الشركة بمجموعة نسيان - رينو بس طلع الامل زائف كالعادة على فكره العربية ديه اسمها لادا Priora بريوريا يعنى احسن انهم نزلوها بالرقم علشان مش ناقصة كمان الاسم يبقى روسى راخر العربية كمان ليها موديل كوبية الطف شوية ديه صورة طبعا الفرق مش كبير بس الطف من التانية والشىء بالشىء يذكر وعلشان حرام الناس تاخد فكرة عن تطور لادا بناء على العربية ديه ديه صور الادا كالينا اللى تعتبر فعلاً احدث ما وصل اليه الروس فى الانتاج التجارى من حيث التصميم الجمالى والمعيارية عامة هى برضو مش تحفة ولا حاجة وتصميمها متاخد بشكل كبير من المازدا 121 الفاشلة بسبب تصميمها مش عارف ليه مغرمين بتقليد مازدا !!! بس هى للامانة اتعملت اجمل من المازدا 121 بس برضو بقالها يجى خمس سنين اهوه فى السوق ومنتشرتش والسر فى الامل الزائف صدقونى نرجع تانى للعربية كاداء وطبعاً مش منطقى ان الواحد يحكم عليها بدون تجربة حقيقية وكافية بس الارقام بتقول ان موتورها ال 1600 بيطلع 98 حصان على5600 rpm يعنى برضو اداء متواضع كالعادة من لادا معلش يا جماعة اذا كانت المشاركة محبطة ptmnlo123per144

انا عندي الادا كالينا وكويسة ومشاكلها قليلة بس زي ما حضرتك تفضلت توكيل الامل اسوء توكيل عرفته او ستعرفه البشرية
تخيل حضرتك ايام اما كانت العربية لسة في الضمان العربية باتت عندهم 3 ايام عشان يصلحو الدنمو ptmnlo123per172