المشاركة الأصلية كتبت بواسطة احمد محمد على مصطفى
مشكور طبعا ( أ / محمد ) على رد حضرتك السريع . لو سمحت استفسار تانى واتمنى حضرتك مش تزهق من اسئلتى الكتير فى حالة انى دفعت 50% من ثمن العربية بيطبق عليا بردو نفس الشروط لازم بردو تطلع بحظر ومش مشكلة التأمين .
بس ازاى تبقى مرابحة اسلامية ويبقى عليها حظر بيع يبقى كدة العرض بتاع حضرتك زيه زى اى عرض بنك تانى بردو ربا لان المرابحة على حسب فهمى البسيط بتبقى السيارة مملوكة ليا انا بدون حظر وانا ببقى ملتزم بسداد الاقساط عن طريق عقد اتفاق بينى وبين الجهه الممولة وعلى العموم شكرا لحضرتك جدا والله الموفق
|
تحياتي ليك أ / أحمد
لا طبعا حضرتك مشرفني ومنروني بوجودك وبحضورك في الموضوع
واسال زي منت عايز ولا يهمك اي حاجه وتحت امرك في اي وقت
بالنسبه لموضوع الحظر ده منحصر عشان نقطه ضمان المرتب ليس اكثر يعني بديلك عربيه على ضمان مفردات مرتب ليس اكثر طيب منا وضحت ان لو بضمان وديعه او حساب في البنك عندي العربيه مش بيكون عليها حظر بيع
مفهوم المرابحه الاسلاميه هاوضحه لحضرتك
ان العقد اللي مابين البنك ومابين العميل بيكون على سلعه ملموسه ( العربيه ) مش عقد على فلوس
وبتكون عارف سعر العربيه القديم والبنك بيعيد بيعها بالسعر الجديد اللي بردوا حضرتك بتبقى عارفه
ونسبة عائد المرابحه بتكون نسبه مقطوعه سنويا وبيتحسب على المبلغ الجديد اللي باعلك بيه البنك عكس قروض العربيه الربوية واللي بتكون عليها فايده متغيره وببتاثر على كل شهر بباقي المبلغ المستحق في المديونية مع العلم بان قسط في القروض الربويه بيفضل ثابت مش بيقل مع تقليل الملبغ المبتقي على حضرتك لكن المرابحه زي ماوضحت عكس كده تماما وبعدين معلش منت لو جبتها وجيت بعد سنتين وجاتلك فيها بيعه حضرتك هتاخد الفلوس من المشتري وتسدد بيها مرابحه السيارة المتبقيه وييتشال حظر البيع وياخدها المشتري عادي جدا
يبقى فكرة حظر البيع ليس اكثر من عدم التصرف بالعربيه بدون علم البنك طوال فترة المرابحه
وهسالك على موضوع ال 50 % واستنى مني رد باذن الله
وتحياتي ليك