المشاركة الأصلية كتبت بواسطة سيف الدين سعيد
تحاول تنسى ما حدث . لأنه خلاص حدث وانتهى . لا تأنيب ضميرك حايفيد ولا حايغير حاجه . ولا اللى عملته حايصلح لك العربيه تانى .
مع خالص حبى واحترامى
|
المشاركة الأصلية كتبت بواسطة data
بصراحة موقع لا تحسد عليه
بس هو الفيلم ده ممكن يتعاد تانى ؟
انت لما اديته الطريحة مكنش ليها لازمه تضرب فى العربية نهائى
لانك ماتضمنش هو كان ممكن يدغدغلك العربية مدام فى الاصل كانت نيته شر
|
وكمان كفاية بس إنك ضربته حرام تحط نفسك فى موقع الظالم وتكسر له عربيته
المشاركة الأصلية كتبت بواسطة koashraf
اهديك واهدى نفسى الحديث التالى قال صلى الله عليه وسلم"ليس الشديد بالصرعه ولكن الذى يمسك زمام نفسه عند الغضب"والصرعه اى القوه والقتال والشده
|
المشاركة الأصلية كتبت بواسطة Injection
الموضوع خلص والنصح والتأنيب مافيش منه لازمة, دى كانت لحظة غضب ياباشا وعدت, , رغم أنى أنسان بارد جدا وعمر ما حد أستفزنى لدرجة الخناق بس ساعة "الغضب" يعمى البصر.
فكبر دماغك ياباشا, الموضوع كان غصب عنك وخلص خلاص, المهم بعد كده لو حصلت حاجة زى دى تانى تتمالك نفسك, ربنا رزقك المرة دى براجل على نياته, لو كان من السواقين اللى بيشيلوا مطاوى وسيوف ربنا يعلم باللى كان ممكن يحصل.
بس أهم حاجة أنكم كنتم فعلا فاتحين الطريق, والا هتنقلب الأية.
وحمدا لله على السلامة ياكبير مفتقدين مشاركاتك.
|
المشاركة الأصلية كتبت بواسطة hazem_khidr
قدر الله و ما شاء فعل يا ابو نورا
بصراحه اللي عملته دا صح علشان حيخلي السواق دا يفكر ميت مره
قبل ما يعمل حركه زي دي مع حد تاني
|
بص انا هزود على الكلام اللى زى الفل اللى فوق ده " حطيت نفسك مكانه"
فى قاعدة فى التنمية البشرية بتقول إن افضل أنواع الإنفعالات هى الإنفعالات المتحكم فيها من الشخص المنفعل
وأنت كسرت هذه القاعدة ثلاث مرات
المرة الاولى لما قولت إنك كنت منفعل بالسلب ضد إلى زميلك بيعملوه فى الزفه وكان الاحرى بك إنك تتحكم فى إنفعالك وتاخد قرار سليم وتجبر الزفة إنها تركن وتتكلم معاهم وتقولوهم يفتحو الطريق بدل ما أنت متنغص عليك وكمان بقيت إيجابى والأهم إنك تلاقى البديل يعنى مثلا تعالوا نمشى ارتين لحد منروح مكان هادى نهيص فية براحتنا وهكذا
المرة التانى ودى أنا لا أعاتبك عليها لأن فى مبدأ بيقول إحذر الحليم إذا غضب بس معلش إبقى حاول تيجى على نفسك يعنى لو إنت كنت متحكم فى إنفعالك كنت ممكن بمنتهى البساطة تضرب بوز تمااااااام وتاد المفتاح بس وانت مسيطرعلى نفسك كنوع من التخويف لسواق الشاهين وتضربه بإيدك تزعقله جامد شويتين بس مش تعمل اللى عملته تخيل نفسك بدون صحابك حوليك وفى غمرة إنفعالك لا قدر الله خبطت الراجل بالمفتاح فى دماغة موته ولا وديت نفسك فى داهية على شيء ميستحقش
المرة الثالثة وبرضه أنا لا الومك لأنك طلاما كسرت القاعدة المذكورة سابقا فى المرة الاولى و الثانية بذات فلازم تكسرها فى المرة الثالثة وهى عدم تحكمك فى شعورك القهرى بالذنب أو بالعكس المهم أنا بنصحك بإنك تكبر دماغك وتحمد ربنا على كل حال وحط فى دماغك إنك مينفعش تبكى على اللبن المسكوب بس ممكن تحافظ على اللبن اللى فى الإناء
و احب اشكرك على شعورك الإيجابى اللى ظهر برضه ثلاث مرات
الاولى عند إحساسك بالضيق مما يحدث فى الزفه
والثانية لما نزلت وهزقت السواق عشان ميتفرعنش ويحل مشاكله كلها بالطريقة المهببة والهمجية دى
والثالثة عند شعورك النبيل بالخطىء والإعتراف به
وكما قلت لك سابقا لو دعمت شعورك الإيجابى بتصرف إيجابى لكان افضل ولاكن قدر الله وماشاء فعل