[eslamafify]

المشاركة الأصلية كتبت بواسطة حمدى مخترع مانيوال بدون د هات اى نوع فتيس على متور فيات والكاتينة مش هتعمل صوت عشان هتبقى فزيت وشدادات سكس بلف وبقلك 10 سنين ضمان

اسطى حمدى انا هقفش فى موضوع الضمان ده خلى بالك

يا باشا انا عندى ليك كام استفسار يا ريت توضحهملى

1-الكلام ده ينفع والمكنة بالطول او بالعرض ولا كده احنا لازم نأعدها بالعرض

2-انا لقيت فتيس الفولكس البيتلز الاوتوماتيك عند تاجر فى عين شمس
ايه رايك ده يبقى احسن ولا الفكرة الى انت قولت عليها احسن

3-اخبار الاختراع بتاعك ايه لان لو انت خلصته ممكن نركب فتيس بالطول رينو او اسكودا او فولكس مانيوال ونعدله ولا انت لسه مخلصتش الجزء التانى

4-المكنة الاختيار دلوقتى بين الاونو ال 1400 التربو كاربراتير
او ال 132 ال 2000 سى سى
او اللانشا 1600 او 2000
المواتير دى فرق احجامها من بعض كبير ولا حاجات بسيطة نختار براحتنا واوزانها بردو خاصة المقارنة بين الاونو وال 132

ومين فيهم افضل فى قطع الغيار وامكانية وجوده بحالة نضيفة (طبعا مش هقولك انت هتيجى معايا تجيب الحجات دى وكده ده انا اساسا الى هاجى معاك )

5- الفتيس بقى

تمبرا ولا ريجاتا ولا هوندا ولا كيا برايد ولا انت شايف ايه الافضل


وانت لو عندك على كل اسئلتى دى تعليق او اى اختيار تانى يا ريت تقولها ( انا معتمد عليك وعلى خبرتك يا كبير )



سؤال بقى للناس الحلوة الى معانا

هو احنا بما اننا لسه بنختار مش مفروض نوفق بين فتيس وموتور عدد لفات ماتورهم ماشى مع بعضه ولا ايه الكلام


معلش يسطى حمدى طولت عليك فى الاسئلة وانا عارف ان الموضوع محتاج نتكلم ونتقابل بس انا عايز اجمع المعلومات الاول عشان نستفاد من خبرات الفطاحلة الى معانا قبل ما نبدا ونشترى وميبقاش فى تراجع تنى ولا ندم وانا كل الاختيارت دى اكيد هدفع فى الاخر مبلغ محترم جدا على العربية دى ايا كان الى هنعمله فلازم ابقى عارف راسى من رجلى قبل اما ابدا (وكمان انت فى الجييزة وانا فى جسر السويس سفر يعنى)
بس نستحمل عشان نتعامل مع حد بيفهم وبيفكر زيك