سلام عليكم و رحمة الله و بركاته ,
دى اول مشاركة ليا فى المنتدى الجميل ده
المنتدى فعلا اكتر من رائع و فيه الكثير من الاعضاء الممتازين اللى افادونى كتيير اوى بمساعدتم لاعضاء اخرين و مواضيعهم المتميزة.
ده شجعنى انى اشاركهم حيرتى و خصوصا انى مبفهمش حاجة فى العربيات و كان ليا استفسار
عايز اشترى عربية و ديه ان شاء الله حتكون اول عربية اجبها و حتعلم عليها السواقة
انا مشاويرى قصيرة جوه القاهرة و لو سافرت يبقى مرة واحدة في السنة.
محتار اجيب ايه hyundai I10 or suzuki maruti انا عارف ان مفيش مقارنة بس انا خايف اجيب I10 و تتبهدل منى و انا بتعلم
كمان انا لو جيبت maruti حجبها كاش لكن لو جبت I10 حجبها تقسيط
اخر سؤال انا عارف رخمت اوى استحملونى معلش
ايه اقدم موديل ممكن اجيبوه زيرو من I10 و بكام؟؟؟؟؟؟
و أ\أحمد أنور رد عليا كالاتى
لو الموضوع كاش و قسط
و زنقه و كده يعني
فالماروتي هتديك كل اللي بتديهولك الاي تن
باستثناء الحداثة و الشياكة
و هتتميز عنها كمان في رخص قطع الغيار سمعت ان قطع غيار الاي تن مولعه
بس الفارق الكبيييييييييييييييير
التكييف
و ده فارق ميستهانشي بيه ابدا
الماروتي مش مكيفة
|
بس الحكاية مش زنقة بس انا خايف اجيبI10 مع سعرها المرتفع نسبيا عن الماروتى و بعدين بقلة خبرتى تبوظ او تتخبط
انا حطيط الموضوع هنا عشان استفيد باكبر قدر من الاراء